Ka Nupepa Kuokoa, Volume XLIII, Number 39, 25 September 1908 — HE HOALOHALOHA [ARTICLE]

HE HOALOHALOHA

Ka >s>«pepa Kuokoa, Aloha oe:—Ma kou mau kolamu i ike iho ai makou i ka meahou kaumaha, ka haalele ana mai la i keia ola ana o kekahi o na mākuahine o ka pono, Mrs. Mary K. Timoteo a kaawale ae la ka pili ana me ke kane. Nou e ka makua i hoonele ia iho la i ke kokoolua ko makou aloha ame ka ohana no apau. E ae mai i ka makou mau leo hoomalielie malia p lilo ia i mea hooluolu aku i kou mau kaumaha. Mā ka lokomaikai o ka Mea Mana loa ua kii mai la no oia i Kana o ka Uhane a koe 1110 ' a 110 h° nua mau koena he lepo. Nāni kona aloha; a ma ia lokomaikai hookahi no ua hoopokole ia mai la ka manawa o ka aelilee mawaena o olua. Na ka make o kekahi e hookaawale. Ke i kona nani. Ma ia lokomaikai no, ua komo iho Ja oe iloko o kekahi o na hoao paakiki aka e lana ka no ka mea "A pau ae na la o ka hoaoia e loaa auanei ka lei o ke ola.'' Hoomanawanui. E hooholoia, O makou o na hoahanau, na haumana Kula Sabati ame na lala o ka Ahahui C. E. o ka Ekalesia Hoolepope o Kanaana Hou, Kalaupapa, Kalana o Kalawao, >ma o ko makon komite la ke komo pu nei makou me oe e ke kane wahinemake ame ka ohana apau iloko o ke kanikau pu ana no ka mea aloha i hala aku. E hooholo hou ia, Ma ka makou mau leo pule e komo pu ana ka uwalo ana i ka makua lani e hoomama ia mai ko oukou mau luuluu o ka noho pili-a-iku ana. E hooholoia, E hoouna i hookahi kope o keia Olelo Hooholo i ke kane, hookahi i ka Nupepa Kuokoa, hookahi i ka buke Ka Hoaloha a o ka Palapala Kumu i ka Ekalesia. O makou no kau mau keiki o ka aina o ka Ehaeha. J. K. KELIIKULI, S. K. KAUNAMANO, L. M. PAINANUI, Komite. Kalaupapa v Molokai, Sepatemaba 17, 1908.