Ka Nupepa Kuokoa, Volume XLIII, Number 39, 25 September 1908 — HE NANE. [ARTICLE]

HE NANE.

He Kama ka'u i hanau poo, kino, a puapuaia; o lakou nei apau ua kamaaha wale ia no me ke kaula lauliulu; a ke alawa iki ibo nae oe e mama; lie like mai hoi kau mai Kaena no a "Waialua, ke hele la ka lioi a ahu kinohinohi a ka la i ke kula o Lauhulu; oia no oe o halii kumoena pawehe i ke kula o Mokuleia. A penei ae hoi au e kapili kepau ulu ae ai i na keiki manu a Waikolii. Ina e huiia kuu kiuo me kuu puapua alaila e ike ana oukou ia'u ua like au me ke kawelu o Lanihuli i ka holu i ke ahe a'ka makani, he Hui, a he milimili hoi na ka ua i hanai a nui i kanahele. He ipo aloha au no kela au i-o kikilo loa, ua mailani ia au imua o ke alo o na alii aimoku a hiki loa aku i ka haaliaa e liewa hoi au ke hooheno ae. 0 lea i'a kaa laulau o Kaimu —e, 1 na'i ai aku o Kalapana—e. Ina e huiia kuu poo me kuu puapua alaila e loaa no au ia oukou i ke kuahiwi i ke kualono i kupou au la i ka walawala o kuu home aloha ka uhiwai po i ka ohu ka uka o Kali'u. īna e liuiia kiiu poo me kuu kino, e loaa no au ia oukou lie kupa, a he kamaaina hoi no keia mau moku, a he keiki Kamehai nae hoi ma kahi ano, he oiaio ua noho ilio oukou malalo o kona malu a ua ono kona hua i ko oukou' ai ana, a maloko ua like kona wahine u?i me ka waiu ame ka meli e kahe ana i ka aina o Kanaana. A i kou hookuene pono ana ae i keia mau kolukalu a kikii i hookahi wai o ka like, alaila e loaa ana ka hoi au ia oe i ka loku a ka ua Kanilehua; he Pukonakona au no ia naliele loa, a he aloalo kuaua hoi no ia mau makalae. 1. Owai au i ke alo o alii aimoku? 2. Owai 'au i ka uhiwai po i ka ohu? 3. Owai keia keiki Kamehai? 4. Owai hoi ka inoa o kuu Kama? O ka mea e hiki mua ana i ke alo o ka Lunahooponopono o ke Kuokoa me ka haina pololei e loaa no iaia he umi poo leka ma lea.elua leenelea o ke poo hookalii. Kou oiaio, L. P. P. KAKELAMALUIKALEO. Keena Hana Halepaahao o Uwahipoiili.