Ka Nupepa Kuokoa, Volume XLIII, Number 39, 25 September 1908 — KA HOIKE A KIAAINA PREAR. [ARTICLE]

KA HOIKE A KIAAINA PREAR.

Ua lioounaia aku nei ma ke ekeleka i Wakinekona ka hoike makahiki a Kiaaina Prear maluna o ka mokuahi Korea n?a ke kakahiaka Poakohi nei. He hoike nui keia nona na aoao he 128 i kakau kikokikoia me na palapala aina e hoike ana i.na kahuahana; hookahi o ia mau palapala aina e hoike ana i ka mea i hoolalaia no ka hoonui ana ae i ke awa o Honolulu nei, a o kekahi e hoike ana i ke kulana o ke awa o Kahului ame ka palekai. O ke kii kekahi o ka Halekula Nui hou i hoouna pu ia aku nei. O keia kekahi o na hoike i hoomakaukauia me ke akahele loa a hoouna ia aku la i Wakinekona. Ua hoolilo nui loa ke Kiaaina i kona manawa ame kona noonoo maluna o na kumuhana ano nui ana i manao ai no ka pono o ke Teritore. Ua hoakaka piha oia 1 kona manao ame kana mea i makemake ai e hanaia mai maluna o na kumu* hana like ole. O kela mau hoike ma ke ano he rula, e hoakaka ana ia i ke kulana o kela 1 ame keia makahiki mai ka manawa mai i kukuluia ai ke Aupuni Teritore a ma ia ano iho la e hoohalikelikeia ai ka nee ame ka ole o ke Teritore. He hana keia e hoomamaia ai na hana no ka hookaulike ana aku i na hoike no ka manawa e hiki mai ana maluna o ia mau kumuhana.