Ka Nupepa Kuokoa, Volume XLIII, Number 39, 25 Kepakemapa 1908 — NOIIA AKU O KAEA E UNUHI I KONA INOA. [ARTICLE]

NOIIA AKU O KAEA E UNUHI I KONA INOA.

Maloko o ka Nupepa Buletina o ka Poalua nei, ka la 22 o keia mahina i hoouna ae ai o Geo. Kaea loekahi o na moho Lunamakaainana Repubalika i kekahi leka i kakauinoaia e ia ame kekahi mau hoike, oii o David Watson ame S. Kaloa e hoole ana i kona unuhi ana i kona inoa mai ka holo moho Lunamakaainana ana ma ka aoao Repubalika. Penei iho kana i hoike ae ai ma ua leka la: Ua makemake au e hoike aku i ke akea aole au i unuhi i ko'u holo moho ana ma ke ano he moho Lunamakaainana ma ka paa Repubalika. A aole no hoi au e unuhi ana ma kekahi ano okoa ae. 0 ka waeia ana i loaa ia'u ma ka Aha Elele ma ka Poaono i hala, he hanohano nuiia i loaa mai ia 'u, he makana hoi na ka hapanui o na elele i akoakoa ae ma- j laila. O ka poe i loaa na ku-e ana no'u, aole loa o lakou kuleana e ku-e mai ai i ko'u holo ana. He oiaio, ua noi mai kekahi mau alakai o ka aoao Repubalika ia'u e unuhi i ko'u inoa, no ko lakou manao, aole au i kupono e holo maluna o ka paa baloka. Ua hoole aku nae au i ka unuhi ana i ko'u inoa. Ua haawiia mai ia'u i kanalima dala imua o kekahi mau hoike, me ke noi pu ana mai, e unuhi au i ko 'u inoa mai ka holo ana, aka ua hoole loa aku au ike apono ana ia mea. Aole he huina dala e hiki ke koi mai i wahl no'u e unuhi ai i kuu inoa. Ua oi loa .aku ka makamae o. ka waeia ana i loaa ia'u iloko o ka Aha Elele mamua o ke dala. Ke ae aku nei au i ko'u ahewaia ana no ka piliwaiwai, aka ua uku no nae au i ko'u hoopa'i. Ua olelo mai na alakai Repubalika ia'u, ina e paakiki loa au i ka manao ana e holo no ka Hale, alaila aole e lulu ana ka poe lawelawe oihana no ka waihona kalaiaina, a ua hoike aku nae au ia lakou, ua lawa au i ke dala no ka uku ana aku i ko'u mau hoolilo, me ke kaukai ole aku i ka lakou dala. Ina i ike mua au aole a'u dala 1 mea e ukuia ai na hoolilo kupono, aole au e ae e waeia ko'u inoa. Ua loaa ia'u he $500 no ka hoomaka ana, me ke kaukai ole aku i ke dala mai ka aoao mai. Na ko'u mau hoalohā, « hookikina nei ia'u e holo, a e hoolohe aku ana au i ko lakou leo mamua o ka hoolohe ana aku i ka leo o ka poe kakaikalii. Ua haalele loa au i ka piliwaiwai ana a ua hoolilo au ia'u iho i kanaka maikai i keia manawa. Ua loaa no na kuhihewa ia St. Paul iloko o kona ola ana, aka mamuli nae o kona haalele ana i;t mau hana' a hooponopono ia.ia iho, ua lilo oia i kanaka kaulana ma ia hope mai. A ina au e kohoia anu, e liana aku ana au i ka mea a'u i iko ai he \pono. E nana aku ana au i kn pono o ka poe ilihune a pela hoi ko ka poe waiwai. O ko'u manao, ua hala ka wa o ke kamailio e pili ana no ko'u holo ana. Aole au e haalele ana i ka liolo ana a hiki i ka haulehia ana ma ka pahu baloka. Aole lie pololei o ka mooleio i hoikeia maloko o ka Advertiser i keia kakaliiaka. Oiai ua waeia au, nolaila e holo aku ana au a hiki i ke kohoia ana i Novemaba, a na ka leliulehu e noonoo mai ina ua leupono lo ka hanohano i hookauia mai maluna o'u aole paha.