Ka Nupepa Kuokoa, Volume XLIII, Number 39, 25 Kepakemapa 1908 — HE HOALOHALOHA. [ARTICLE]

HE HOALOHALOHA.

Ia Rev. E. S. Timoteo, me ke aloha luuluu, Walohia waie:—Puiwa, hikilele ka manao i ka ike ana iho ma ka Nupepa Kuokoa o ka la 11 o Sept, 1908, ua haalele mai i keia ola ana o Mrs. Mary Kealoha Timoteo ma ka hora 10 0 ka po Sabati, Sept. 6, o keia mahina raa ko olua home noho ma ke Alanui Kula, Honolulu. He makuahine oia i ike nuiia, a i aloha nuiia no hoi ma na hana o ko ke Akua Aiipuni iloko o keia Teritore, a he lima akau oiaio hoi no kana kane aloha ana i haalele iho ai mahope nei e hana hookahi aku i ka hana a ko kakou Haku aloha. Aole i lilo na pilikia kino i loaa iaia j 1 mau mea keakea mai i ka hana ana i no Kristo ma ke kaahele, pu ana me ! kana kane ma na Ekalesia apau apuni ka Paeaina. He nui na hana maikai ana i liana ai, a o kekahi o ia mau hana, oia kona hookumu ana i ka A- j hahui Manawalea no na wahine kanemake a na Kahunapule ma na moku* puni like ole, a ua ikeia ka hua o ia hana ma keia Ekalesia, a eia kana mau hana maikai a ku i ke aloha ke waiho aku nei maliope i keia hoomanao poina ole nona. Wahi a ka Uhane "Pomaikai ka poe make ke make iloko o ka Haku i hoomaha lakou i ko lakou luhi. A ke hahai nei ka lakou hana me lakou." Mamuli o ke kiiia ana mai o kau mea aloha he wahine, ka makua hoi o ka home ame ka lehulehu, Nolaila 1. Hooholoia, O makou o na hoahanau o ka Ekalesia na haumana o ke Kula Sabati ame na lala apau o ka Ahahui Hooikaika Kristia»o o Wananalua, Hana, Maui, ma o ko makou mau komite la, ke komo pu aku nei makou me oe e ke kane i hooneleia mai i ka makuahine o ka home, ka papale alii hoi e nani ai o ko ke Akua poe i waeia, ame ka ohana e uwe pu a e auamo hoi i ke kaumaha ame na luuluu no kau mea aloha i hala e aku i ka Edena nani ma o, ka home e mau loa ana. 2. Hooholoia, Ke komo pu aku nei makou me oe ame ka ohana i hookaumahaia e uwal(? aku i ko kakou Makua Mana loa e lu ae i na waimaka ame ka walania o ka naau, a Nana no e hoomaha inai ia kakou.e like me Kana i hea mai ai "E hele mai oukou apau loa i O'u nei e ka poe luhi ame ka poe kaumaha, Na'u oūkou e hoomaha aku." 3. Hooholoia, E hoounaia i hookahi kope o keia Olelo Hoalohaloha i ke kane wahinemake, hookahi i ka Nupepa Ka Hoaloha, a hookahi i ka Nupepa Kuokoa, Luuluu wale: T. B. Kaumeheiwa, T. K. Kakani, D. K. Wailehua, G. P. Wailehua, J. K. ,Hanuna, Sol, Aaikau, Mrs. Annie Kaumelieiwa, Mrs. Julia Buseh, Mrs. J., K. Hanuna, Mrs. Hana Pupuhi, Mrs. Nehemia, Mrs. Opiopio, na komite. Hanaia ma Wananalua, Hana, Maui, i keia la 13 o Sepatemaba, 1908.