Ka Nupepa Kuokoa, Volume XLIII, Number 39, 25 September 1908 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU, T.H., POALIMA, SEPATEMABA 25, 1908.         3

 

KA MAKAIKUI

 

NIKOLASA KATA

 

KA WELI O NA POWA

 

MOKUNA III.

 

O MRS. REMONA AME KE KANAKA MAKE.

 

            Hoko o koena o ke alahele ua haka pono loa ko Kata mau maka maluna o Mrs, Remona.  Ua piha loa oia i ka manao uluku, pela ko Kata noonoo aku, e ake ana o ke ku koke aku o ke kaa i Elemaina, a he ano uluhua loa kona i ko Kata nana aku, no ka mea, e wehe mau ana oia i kana uwati ame ka buke kuhikuhi manawa holo o ke kaaahi.

            “He ake loa oia e ike maka i ke kino make o kekahi o kona mau paalola powa,” i noonoo iho ai o Kata,” oia kela mea e waiho mai la ke kino make iloko o ke kaa waiho ukana.”

            I ke ku ana aku o ke kaa i Elemaina, oia kekahi o na ohua mua loa i lele aku mai ke kaaahi aku.

            E haka mau ana ko Kata mau maka maluna ona in a wa apau-ke ano o kana hele ana, kana wahi e hele ai, a oiai o Chika ka mea o kana e nana pono ana no ia hana, ua haalele aku oia nana e hana ke @ aku o ia apana hana e like me ka laua i hooholo mua ai.

            Oiai o Kata e nana ana i ka Chika lawelawe ana, oili mai la he elua mau kanaka mailoko mai o ka rumi puhi baka e hookokoke aku la ma kahi a Mrs. Remona e ku ana.

            Hakilo loa aku la o Kata i ka helehelena ame ka laua hana.

            Aole hiki iaia ke ike pono aku i ko lakou wa i hui ai, a i ka lakou mea i hana ai, eia ka auanei ua haawi aku ua mau kanaka la he hoailona ia Mrs. Remona, a o ka inoino o na maka o ka wahine kana mea hiki ke hoomaopopo aku ua hookomo olelo aku kela mau kanaka iaia.

            I ka hala ana aku a ua mau kanaka la mai ka hale hoolulu kaaahi aku, hookokoke ae la o Mrs. Remona ia Chika, oiai i kela manawa aole no oia i mamao loa mai iaia mai me he mea la e kali mai ana no nona no ka hele pu aku i ka hotele.

            “E Mr. Kata.” Wahi ana, “ua olelo mua mai nei oe ia’u aole ou makemake e ikeia mai kaua e hele pu ana, aka aohe o’u ike aku i ka’u kane, aia la oia mahea, a nolaila ua manao au e palekana ana wau main a hoopoina mai a na enemi ina oe e ukali pu ia’u a ka hokele.”

            “Pololei kela, e ka Madame,” wahi a Chika i pane koke aku ai, me ka makaukau mau e ukali iaia, a haawi koke aku la no i kona lima no ke kuiee ana iaia a kahi o ke kaalio.

Huli ae la o Chika no ka manao e hele hou aku no ka hale hoolulu, a kaohi e mai la ua wahine la.

            “E Mr. Kata, aole anei he mea uluhua nou ko’u noi ana aku ia @ e lawe aku ia’u e hoikeike i ke kino make o kela kanaka iloko o ka hale ukana?  Ia’u nae e noonoo nei pela, ke hopohopo pu nei au e manao mai ana paha oe he wahine mahaoi loa au ma ke koi ana aku ia oe e lawe aku e nana i ke kino o kekahi kanaka make i pili ole ia’u.”

            “He pololei no ia manao ana pela, ina he manao kekahi iloko ou o ia ano, aka no ko’u ake nui loa e ikemaka i ka helehelena o ke kanaka i hoao mai nei e hoopoino i kou ola, oia wale no ke kumu nui o ko’u noi aku ia oe e lawe aku ia’u malaila.  Ke manao nei au i keia manawa ua laweia ae kona kino iloko o ka hale waiho ukana.”

            “Aohe o’u ku-e i kau noi, ina nae aole e lilo ana kou ike ana i kena helehelena i mea hoopoino mai ia oe,” i i kau ai o Chika.  “Manao no oe e hiki ana no ia o eke hoomanawanui i ka maka’u i kou wa e ike ai iaia?

            “O, hiki loa ia’u!” wahi ana i pane mai ai me ka manao koa, a hoomaka mai la no oia e iho mai kahi mai a laua e ku ana.

            “Aia mahea oukou i waiho aku nei i ke kino make o kela kanaka?” i ninau aku ai o Chika i ke kupakako, oiai oia e haawai ana i ke kauoha i ka wiliki i kela manawa no ka holo ana.

            “Aia mahope aku iloko o kela rumi,” i pane mai ai ke kupakako, me ke kuhikuhi ana aku ihope i ka puka e hamama mai ana.

            Hele aku la laua e komo aku la iloko o ka rumi i kuhikuhiia mai ai.

            “Pehea, e makemake ana oe e ike i kona helehelena?” i nanau mai ai o Chika.

            “Ae,” he makemake au e ike lihi aku, a umii iho la ia i ka lima o ka makaikiu.

            Hele iki aku la o Chika imua a wehe ae la i ka lole i uhiia ai na maka.

            Hookuu koke aku la o Mrs. Remona i ka lima o ka makaikiu, a pupuu ae la mamau o kona umauma, no kona ike ana iho i ka helehelena o kana kane, aole nae oia i hoike a maka ae i kekahi hiohiona pela, aka, ua ike koke no ka makaikiu ia mea i kela manawa.

            Ia Chika i wehe ae a i ka lole huli mai la oia i ka wahine, a iaia i nana mai ai ua hele ka helehelena a kohu hau ke keokeo pu.

            “Ua lawa ae la ka ike ana,” wahi ana; me ka oniole e aho ka pua mauu he oni i ka makani.

            Uhi hou iho la o Chika i ka lole maluna o ka helehelena o ke kamaka make, a haawi hou mai la i kona lima iaia.

            “Ua ike pono aku nei oe iaia?” wahi a Chika.

            “Ae.” i pane ae ai ia me ka leo malie;

            “O, he manaonao maoli ke nana aku!”

            “O keaha la ka manaonao e ka Madame?”

            “O kela kanaka kekahi o na enemi o kuu kane e uhai loloa nei mahope ona!”

            Ua aneane hiki ole ia Chika ke uumi iho i kona manao pihoihoi.

            “Malia paha ua kuhihewa kou ike?”

            “Aole.  Kuhihewa la wau ma keaha?”

            A iaia i hoopuka ae ai i kela mau olelo ua aneane hiki ole iaia ke kamailio.

            “O kela no ko kalaiwa kaa i keia kakahiaka,” wahi a Chika.

Ua hiki ole ia Mrs. Remona ke kamailio mai i ka loaa pono ana aku la i ka makaikiu.

            I ko’u nana aku nei aole kela,” wahi ana me ke kali iki ana iho.  “Auhea no au i nana pono loa i ka helehelena o ke kalaiwa i keia kakahiaka, a eia nae i ko’u hoomanao he wahi helehelena i ano like me kona.  O ka’u e ake nei e ike he poe e aku paha kekahi o kela poai iluna o ke kaaahi me ia.”

            “Malia paha peia; auhea hoi ko kaua maopopo i ko lakou manao.”

            “E hele awiwi kaua i ka hokele.  Manao au ke kali loa mai la kuu kane ia’u malaila.  He ikaika maoli kou noonoo ma ka hoopaanaau ana i ka helehelena o na kanaka, aka nae, no keia kanaka manao au ua koho hewa oe.”

            “Malia paha peia,” wahi a Chika i pane aku ai, me kona noonoo ana iho he oi ka maikai nona aole e hoopuiwa i ka noonoo o ka wahine ma o ka hooaiai loa ana aku i kona manao hewa.

            Hele aku la laua a loaa ke kaalio a kakau aku la no ka holo ana i ka hokele; aole no hoi i loihi loa ia holo ana aku, hiki aku la laua ilaila.

            Mahope o ko Chika hoopaa ana i ka inoa o ua wahine nei iloko o ka buke, hoi aku la ua wahine la iloko o ka rumi a kena alu la oia e kiiia kona paiki lole i ka hale hoolulu kaaahi, no ka mea, aole hiki iaia ke lawe pu mai mamuli o ka poino i loaa i kona lima me kona ukali pu ia Mrs. Remona.

 

MOKUNA IV.

 

KA HAKAKA ANA ILOKO O KA POULI.

 

            Kali iki iho la o Chika iloko o ka Hokele a hiki i kona lohe ana aku i ke kauoha e laweia i mau meaai no ka aina ahiahi iloko o ka rumi 41, ka rumi i haawiia ai no Mrs. Remona.

            Mamua o ko Mrs. Remona hoi ana aku maloko o kona rumi, ua olelo mua aku la o Chika iaia, ina e makemake ana oia e ike no kekahi mea ana e makemake ai, alaila kauoho mia in a manawa apau ana e makemake ai, a no Chika, aole oia i hoopaa i kona inoa iloko o ka buke.

            Ma kahi o kona hoopaa, ua kamailio malu aku la oia i ke kupakako o Kata kona inoa, me ka papa ikaika ana aku iaia, aole oia i hoopaa i kona inoa iloko o ka buke.

            Mahope o kona kali ana iloko o ke keena o ka hokele no kekahi mau minute, ua ike aku la oia ia Kata i ka iho ana mai iluna mai a hele loa aku la laua ma ke pakaukau aina hookahi.

            Me ka hawanawana o Kata i kamailiio mai ai:

            “Pehea ua loaa aku nei kou rumi?”

“Aole.”

“Ina pela e hele oe i kii i mau rumi no kaua.  E noi aku oe i mau rumi pilipu o kekahi me kekahi e hiki ana ke komo aku maloko, a o na puka, e huli aku ana i ka holo, me ka nana ole i ka papahele ehia la ia.  Noi pu aku oe in a ki o ia mau puka, a haawi mai oe i kekahi ki ia’u.

“Ma ka inoa owai au e hoopaa aku ai?”

“Ma ka inoa o Kata.”

Huli koke aku la o Chika a hele aku la iloko o ke keena oihana o ka Hokele.

Kakau iho la ia i ka inoa o “Nikolasa Kata, Nu Ioka” iloko o ka buke, a mahope o kona noi ana aku i mau rumi no laua e like me ka Kata i hoakaka mai ai iaia, hoi hou aku la ia i kahi a Kata e noho ana a haawi aku la i kekahi ki iaia.

“O na rumi Helu 58 ame 59 ma ka papahele ekolu ka i haawiia mai nei no kaua,” a huli houaku la oia pii no ka rumi 58 kona rumi ma ka paphele ekolu.

Iaia i hiki ai ilaila, haawi mai la oia i ke kauoha e laeia aku i mau meaai na laua no ka aina ahiahi iloko o ko laua rumi.

Ua eleu koke aku la ke kuene e hooko i kana kauoha, a i kona hala ana aku, hemo mai ana ka puka o ka rumi e pili pu ana a komo mai la o Kata.

Hawanawana mai la oia ia Chika “he hihia ano nui keia a kaua e hanu nei.”

“Pehea kau mea i ike aku nei?”

Aohe no he nui loa, aka nae, ua lawa nae ia e hookaawale aku ai i na manao kanalua apau no Mrs. Remona.

“I ko’u nana pono ana me ka hakilo loa, ua ike au oia ke alakai, a i ole ke poo no paha o keia hana powa.”

“Pela?”

“Ae! Pela ko’u hoomaopopo.  O kela mau kanaka elua i kau pu mai nei me kakou ma ke kaaahi, o laua ka’u i ike aku ne ii ke komo ana iloko o kona rumi mamua iki o ko’u hoi ana mai la e ai.”

“Ina pela, ua ike laua in a mea apau e pili ana ia Keonikona.”

“Pela ka maopopo loa.  O laua pu kekahi i komo pu iloko o keia hana, a ehia aku la ka nui o lakou i koe, aole au i ike.  He pono ia kaua ke huli pono i keia mea mamua o ko kaua nee ana aku imua.”

“Pehea ana oe e hana aku ai?”

“E hoololi kaua i ko kaua mau helehelena i keia manawa, a me ka eleu ua hoololi koke ae la o Kata i kona helehelena a like loa me ko Chika helehelena i ikeia i kela la, a o Chika hoi hoololi ae la ia i kona helehelena a like loa me ko Kata.

Hakalia no a pau ka laua hoololi helehelena ana, kikeke mai ana kekahi mea ma ka puka, a holo kkoke aku la o Chika iloko o kekahi rumi aku.

“Komo mai,” i kahea aku ai o Kata.  Komo mai la ke kupakakao, a pani malie aku la i ka puka mahope ona.

“O kela lede iloko o ka rumi 41 ka i noi mai nei ia’u e kamailio aku ia oe, he makemake oia e hele aku oe ilaila.  Aole au i kena mai nei i kahi mea no ko’u hopohopo o ahuwale oe, a nolaila, ua pii kino mai la au e hoike aku ia oe ia mea.”

“Me ka mahalo. E ha’i aku oe iaia e hiki aku ana au.”

“Ae, a o ka manao o ke kupakako, i kela manawa e ake loa mai ana ia e hoakaka aku o Kata i ka manao o ka wahine i kauoha mai ai iaia.  Oili aku la ia me ka malie a hoi aku la e ha’i i ka wahine, me kona nalu nui i ka hana a ka wahine o ke kauoha ana mai i ka makaikiu.

“Maikai kela,” wahi a Kata ia Chika, i kona wa i oili mai ai mai kekahi rumi mai e pili kokoke mai ana.

“E kali iki oe iloko nei no kekahi manawa.  Manao au aole @ paha he poino ano nui e halawai mai ana me a’u, a ina he poino, aohe no o’u makemake ia oe e hoopoino i kou lima eha i mea e nui loa aku ai ka poino a hiki ole ke hoola aku.  Aloha oe.”

Lei iho la ia i kana wahi paiki ili e like no me ka Chika hana ana i kea o a oili aku la mai ka rumi aku.

O ka rumi 41 aia ia ilalo o ka papahele malalo ma ke alo o ka Hokele; a o ko Chika ma rumi aia ma ka eheu akau ma ke kihi loa o ka hokele.

A e like no hoi me kea no mau o na hokele he kikeekee na holo a e iho aku ana he amu ala anuu lehulehu mai kekahi papahele a i kekahi, pela no o Kata i hele kikee ai.

Ua hiki no iaia ke hele a ma ka lanai ma ke alo, alaila iho ma ke alapii nui, aka, no kona ike i ke kokoke o keia alahele, pela oia i hooholo ai e hele maloko aku o ka holo.

Ma keia wahi ana e hele aku ai he ololi ka holo, a i kona hiki ana ma ke poo o kekahi alapii, pio koke mai la no ka ipu kukui e kau ana iwaenakonu o ka holo.

Huki koke ae la ia i kona lima mailoko ae o ke ekeili, iho aku la elua anuu a pili ae la kona kua i ka paia.  Iaia no a pili ae, iho ana elua kanaka mahope mai ona a hoomaopopo ae la ia in a kanaka ana i koho mua ai he mau powa laua i komo ai iloko o ka rumi o Mrs. Remona, ia ahiahi no.

He nui aku paha lakou aole nae ona ike aku, aka iloko o ko lakou wa i lawelawe lima ai ike iho la ia elua wale no.

O, kekahi o laua, oia ke kanaka mua i lele mai ai, ua manao maoli no ia aia mamua pono ona o Kata, ua ku’i aku la ia a wala aku la a pa-hu ana ilalo o ke alapii a hooku’i ke poo i ka pou o ka paehumu.

O ka lua, iho pololei mai la ia ma kahi a Kata e ku ana, a no ko Kata maka’u o pa-huia mai oia i ka pahi hopu aku la ia i kona maulima a i ka paa ana iaia ua huki aku la ia me ka ikaika apau, me ka oniu ana ae i kona kino a wala aku la a pa-hu ana iluna o kona kokoolua.

Me ke kali ole iho ua iho koke aku la ka makaikiu mahope o laua a he mau anuu i hala iaiai hooku’i aku la ia me kekahi o na powa.

            Me kona lima hema e palepale ana no kona maka’u o ku’iia mai, ua ku’i koke aku la ia me kona lima akau.

            Ua loaa pono aku la ka umauma o kekahi o laua a walawala aku la iluna o ke alapii me ke kani o ke u.  Hooku’i aku la ko Kata kuli i ka lua o laua, a hopu maoli iho la ia iaia a kiola aku la me he wahi keiki uuku la a kaka like aku la ua mau kanaka la a hiki i ka papahele malalo aku.

            Aohe wahi huaolelo hookahi i puanaia mai e laua, a o keia hana i lawelaweia iho la e Kata he mau wahi sekona helu wale no.

            E manao ana o Kata e huki ae i kana wahi ipu kukui, a ia manawa poha mai la ka malamalama o kekahi kukui maluna mai.

            Ua lohe aku la o Chika i ka halulu a ua manao no oia ua powaia o Kata a oia kona kumu o ka holo ana mai e nana me ke kukui no ka haawi ana in a kōkua i kona poo ma ka oihana.

            Iaia i holo mai ai, ma kona lima hewa kana kukui a o ka pu panapana i ka waha, no ka mea, aohe hiki i kona lima akau ke paa mamuli o ka eha i loaa iaia maluna o ke kaaahi.

            I ko Kata wa i ike aku ai i ke kukui ike koke iho la ia i kona pilikia.

            “E hoi koke aku oe iloko e Mr. Kata!” wahi ana.  “Ua hiki loa ia’u ke paio me keia pope me ka nana ole pehea la ko lakou nui.

            Pani koke ae la o Chika i kana ipu kukui makai a halii hou iho la ka pouli maloko o kela holo.

            Ike koke iho la no o Chika i ko Kata manao, he mea pono ole e ike mai ka poe he elua Kata iloko o kela hokele i kela po, a i kona ike ana ua hoohokaia na powa e Kata, hoi hou aku la ia iloko o ka rumi.

            I kela wa a Kata i kamailio mai ai, huli koke mai la kona alo i ka paia i ike oleia mai ai kona helehelena e kela mau kanaka, ina e hiki ana ia laua ke nana ma ii kela manawa.

            Pehea la hoi laua e ike pono mai ai ua mamao loa hoi ilalo loa o ke alapii.  Ina no e nana mai ana aole no laua e ike ana.

            Piha noonoo no o Kata o ke kahea ana mai ia Chika o Kata ia, i mea e lohe mai ai kela mau kanaka okoa, aka nae, ma ka mea oiaio o Kata no ia.

            Eia nae, ua lilo kela wahi hooka’ulua iki ana a Kata i mea no laua e palekana ai, no ka mea, i ka wa a Kata i hoolele aku ai i ka malamalama o kana wahi ipu kukui, ua ku mua ae la laua a ua holo.

            Hoomaka aku la o Kata e alualu a iaia e iho ana ulu hou ae la ka manao iloko ona e hookuu no ia laua e holo.

            Aohe mau kumu maopopo e hiki ai iaia i kela manawa ke hooia loa iho o Mrs. Remona ke poo o kela hana hoohalua no kona ola, oiai aole mau ike lawa loa e hiki ai ke hoomaopopo iho oia ke alakai o keia mau hana powa.

            Nolaila, oiai ua ake loa oia e hookolo mahope o ka meheu o kela poe, aole oia i hele hou aku a mamao mai ke anuu aku o laloo ke alapii, a oiai ua ike aku la oia i ka puka ana o kela mau kanaka ma ka puka ma ka aoao o ka hokele, hoopauloa iho la ia i kona manao hahai mahope o laua.

            “I hookahi o olua manawa i koe,” pela ko Kata noonoo iho, “a i kekahi manawa aku e paa pu ana kela wahine me olua pu iloko o ka upena.”

            Mamuli o kela halulu, iluna o ke alapii, ua holo mai la kekahi o na limalima o ka hokele ma kahi o ka haalulu ana i lohe aku ai, a ua lolohi loa nae ia, no ka mea ua holo na powa i kela manawa aohe ana mea i ike.

            Ua hoi koke aku la ia e hoike i ka poe oloko o ka hokele, a o ke kupakako ka i holo mai a halawai me Kata.

            “Heaha iho nei keia, e Kata,” i ninau mai ai ia, ua hele a pau kea ho.

            “He poe powa paha, pela ko’u koho,” i pane aku ai o Kata.  “Ua lele mai nei kela mau kanaka e powa iloko o ka pouli.  Puhiia mai nei ke kukui a pio a lele mai nei e pepehi ia’u, a ua u holo aku nei nae.”

            Ua piha maka’u loa ke kupakako i kela manawa.

            “Pehea, e kena ae paha au i makai e Mr. ----,” wahi ana.

            Hopu koke aku la o Kata iaia ma ka lima a papa aku la.

            “Mai hana iki oe i kahi mea oia ano,” wahi a Kata, me ka leo liilii e lohe oleia mai ai, no ka mea, i kela manawa oili mai ana elua kuene i ukali mai i ke kupakako.  E ha’i aku oe i kela mau mea he kanaka malihini on aka i haule mai nei i ke alapii, mai ha’i aku oe owau.”

            “Ua pono e like me kau i olelo mai la, pela no e hookoia aku ai.  Ke manao nei au aohe paha he ulia poino e loaa ana maloko nei o ka hokele i keia po.”

            “I ka nana aku me he mea la e nui aku an aka mea e hanaia mai ana e kela poe i keia po owai ka ike aku,” wahi a Kata.

            Huli ae la o Kata me he mea la e piiana ma ke alapii, a huli aku la no hoi ke kupakako ame na kuene hoi noloko o ke keena hana.

            I ko lakou hoomaka ana aku e ike ma ke alapii hele pololei aku la o Kata a kikeke aku la i ka Rumi 41 ka rumi a Mrs. Remona e noho ana.

 

MOKUNA V.

 

KA MRS. REMONA MAU OLELO HOAKAKA.

 

            “Komo mai” i pa-e mai ai ko Mrs. Remona leo maloko mai.

            Wili aku la o Kata i ka puka, ua paa mai oloko i ka lakaia.

            Lohe aku la no oia i ke ku ana ae o Mrs. Remona mai ka noho ae a hele mai la e wehe i ka puka.

            Wili mai la i ke ki a hemo aku la ka puka, a me na lehelehe haalulu me na maka i piha i ka maka’u ku pololei mai la ia mamua pono o Kata.

            Eia nae, no ka manawa pokole wale no ia ano ona.  I ka pau ana ae o kono pihoihoi a hoi hou mai la kona noonoo maikai pane mai la ia me ke kunahihi:

            “Maka’u maoli ka hoi au ia oe!”

            “Pehea, aohe ka oe i manao e ike ia’u?” i ninau aku ai o Kata me ke pahaohao; o ka’u e maopopo nei, ua kena ae nei oe i ke kupakako e kii ae ia’u a hele mai maanei.”

            “Ae, na’u io no i kena aku nei; ua palakaia wau – aole – aole no ka poina!  Ua piha loa ia wau i ka maka’u, ua ike oe.  Aole anei oe e kala mai ia’u?”

            “Ua kalaia oe.  Ua ano hakalia iki au i ka hele ana mai e hooko i kau kauoha.”

            “Pela! Nokeaha ke kumu o kou ulolohi ana.  Komo mai.  Heaha keia pilikia ou?”

            “O kekahi o na malihini ma ka papahele maluna ua powaia mai nei e kekahi mau mea iloko o ka holo pouliuli.  Ua hele aku nei au e kokua, a ua ano lolohi nae au e hiki ai ke hana aku i kekahi maikai nona.”

            “Ua eha nae paha ua kanaka la?”

            “Aohe wahi manuhe’u iki i loaa iaia.”

            “Oia wale ae la no?”

“Ae.  A o kela mau powa ua u holo aku nei.”

            “I ko’u nana aku ma na wahi apau e hele ai e ukali mau ia ana au e na hana ekaeka o keia ano,” wahi a ka wahine; aohe i iho oia ke alakai o kela mau hana ekaeka.

            “O oe no hoi ke alakai o keia mau hana powa,” wahi a Kata i noonoo iho ai.

            A me ka leo nui i koke aku la no ia:  “Pehea, ua lohe mai nei oe i kekahi mea e pili ana no ko kane?”

            “Ae, oia hoi ke kumu o ko’u kena ana aku nei ia oe e hele mai.”

            “Ua loaa mai nei no ia’u kela noonoo ua lohe oe i kekahi mea nona.”

            Alawa koke mai la ka wahine me ka hoohuoi no ka Kata pane.  He mea maopopo i ka nana aku ua hopohopo oia no Kata i kela manawa mamuli o ka Kata olelo, me he mea la i ka noonoo aku a Kata ua hoohuoiia kana mau hana apau, a he pololei io no nae ia hoohuoiia ana.

            “Alaila, o oe pu kekahi i lohe i kekahi mea pili iaia?” i ninau koke mai ai ia.

            “Owau? O, aole!  Ua kali mai nei au no kou kena ae ia’u.”

            Huki ae la ua wahine hoopunipuni nei i kekahi apana pepa mai kona pakeke ae a haawi aku la ia Kata e heluhelu.

            He apana pepa kela e hiki loa ai ke hoohuoiia he leka apuhi.  O kea no pepa i kakauia oi no ka pepa wa-hi puolo o na halekuai, a ua kakauia me ka penikala.

            He mau minute pokole wale no i hala ae nei i loaa mai nei ia’u kena leka.”

 

Aole i pau.