Ka Nupepa Kuokoa, Volume XLIII, Number 38, 18 September 1908 — HE KANAKOLU POE I MAKE. [ARTICLE]

HE KANAKOLU POE I MAKE.

McALESTER, Okla., Aug. 26.—0 kekahi o na poino weliweli loa i ikela maloko o ka lua lanahu iloko o ka moolelo o keia hapa o ke Komohana hema, oia ka mea i ikeia ma Haileyville he umi-kumamalima mile ma ka hikina aku o leeia kulanakauhale. He kanakolu poe eli lanahu i make iloko 0 ka lua lanahu ma Hailey, a oia ka hopena. poino i ikeia mamuli o kekahi ahi nui a ua. manaoia oia ka mea nana 1 paniku aku i ka liiki ana i kela poe e puka mai. O kela poe he kanakolu ilalo lakou 0 ka lua lanahu. Ma ke awakea ua hoikeia mai ka a ana o kekahi ahi ma ka waha q ka lua a no ia kumu i hiki ole ai ke haawi aku i na kokua ana 1 ka poe popilikia. Mahope iho o ka hora 8:30 i hoomaka ai ka a ana a ke ahi mahope koke ilio no o ka iho ana o na kanaka*' ilalo o ka lua lanahu. Hje paliu aila ke kumu o ke ahi a i ke pa-hu ana ua lele liilii ka aila i o a ia nei a pahola koke aku la no ke ahi ma kahi o ka waha o ka lua e hiki ole ai ke iho aku a ke pii mai. Ua akoakoa ae na ohana o ka poe popilikia ma kahi o ke ahi, na wahine ame na keiki a ka poe poino me ka noke ana i ke kuwo. Ua hoao ikaika na luna nui o ( ka lua lanahu e hoopakele i ke ola o kela poe, aka aohe wahi e hiki ai ke iho aku ua paa i ke ahi; aole i liuliu ua ikeia aku ke ahi e a mai ana mailoko mai o ka lua a ma ia ano i kohoia aku ai ua pau loa kela poe i ka make.