Ka Nupepa Kuokoa, Volume XLIII, Number 38, 18 September 1908 — KE PIO A DAVEY MA KA MOE MAKE. [ARTICLE]

KE PIO A DAVEY MA KA MOE MAKE.

KAPALAKIKO, Aug. 22.—Ua hopuia kekahi kanaka o Edward T. Davey ka inoa e ka makaikiu ma ka la i nehinei no ka hewa hoowalewale moekolohe mamuli o kona hoopoino ana i kekahi kaikamahine opio o Miss May Austin ka inoa ; a mahope o kona haaleleia ana, a no kona aloha nui loa i kela Davey, ua lilo maoli ia i kumu ma'i nona a hiki i kona make ana! a oiai oia e ailiili wale ana no, hoea mai ana kela Davey me ka ona me ka manao e ike, oiai nae, i kela manawa ua m«re aku la oia me kekahi wahine okoa aku; i hoomaka'uka'u maoli ia ke kumu o kona mare ana i kumu e pakele mai ai oia mai ka halepaahao mai. Mahope o ka pauahi nui ma Kapalakiko ma ka malama o Aperila, 1906, ua halawai iho la keia Miss May Austin oiai oia he wahi kaikamahine opiopio loa i kela manawa me Edward T. Davey, he makai, nona na makai he 40 ma kekahi o na alanui, a hoomaka koke no keia Davey e hoowalewale iaia ma ke alehe ana i kona noonoo ano apau e hiki ai, a hiki i kona aloha maoli ana i kela Davey e like no me ka hopena i loaa i na kaukani e ae o na kaikamahine i hana pu ma ia ano hana. A mamuli o ke aloha kuhihewa o kela kaikamahine, ua oia i ka leo a'o a kona makuahine, ua hokai pu oia i ka hanohano o kona inoa kona home ame kona ohana. Mamuli o ka hoohuoi o ka makuahine i ke kumu o kona ano e i kulike ole me ko na la mamua aku, ua ninau aku la iaia e ha'i mai. ''Ua aloha au ia Davey," wahi ana. "Ua mareia maua." "Nawai olua i mare?" i ninau hou aku ai ka makuahine me ke kahaha loa. "Aole au i ike i ka inoa o kela kanaka.'' Ua hoopunipuniia ka makuahine. Ua hele keia Davey e kii i palapalk ae e mare a ua loaa mai, a o ka mare ana nae, aole, a me ia palapala nae keia Davey i lioopunipuni ai i keia kaikamahine. "Eia ko maua palapala mare la," wahi a ke kaikamahine, ua manaoio maoli ka makuahine. Ua haawiia na olelo hoopaa mawaena o laua, ua hooholoia na ae me ka manao paa o keia kaikamahine e hiki mai ana ka la e hookoia ai ia mau hoohiki a laua, tia lilo loa ia manao i mēa nana e hoopiha* loa i ke aloha poina ole no kela Davey. Oiai keia kaikamahine e waiho ana i ka ma'i kupouli o ke aloha kane, aia aku la ua Davey nei ke hoowalewale la he kaikamahine okoa, a i ka ikeia ana ua hoomaka 'uka 'uia oia e mare a ua mare io me kela kaikamahine me ka ae pono ole o na makua. I kekahi la, hiki mai la ua Davey nei i ka hale o ke kaikamahine ma'i e waiho ana, me ka ona, a i kona wa i komo inai ai iloko o ka hale a ike ka makuahine ua kipaku kokeia oia me ka hoohilahila loa ia. Alua keia mau kaikamahine i hihia i keia kanaka hookahi, hookahi nae o laua i make mauwale mamuli o ke kuhihewa. Ua hopuia oia a ma ka la apopo e hookolokoloia ai. apopo e hookolokoloia ai.—Call.