Ka Nupepa Kuokoa, Volume XLIII, Number 38, 18 September 1908 — McCANDLESS VS. KUHIO. [ARTICLE]

McCANDLESS VS. KUHIO.

No ka hoikeike ana aku i ke kulana o na moho Elele i Wakinekona o ka aoao Demokarata ame Repubalika ua hoike ae ka Advertiser i kekahi mea e pili ana no laua ma kona manao pepa o ka la n o Sepatemaba e hoike ana penei: . , Ma nehinei i loaa mai ai ka waeia ia Linelon McCandless mai na Demokarata mai i Elele i Wakinekona, a e komo aku ana oia iloko o ka hakoko kalaiaina, kahi e ikeia aku nei, me he mea la he paakiki ke alahele nona, me ka loaa hoi o kahi manaoio uuku no kona holopono. Ua loaa 'iaia ke koa ame ka hoomanawanui, aka me keia mau maopopo nae e ikeia aku nei nona, aohe he akaka lea o ka liiki ana ke loaa aku iaia ka nui o na baloka e like me ia i loaa ia M'cClanlian iloko o na makahiki elua i hala ae nei. 0 ke kumu o keia, mamuli no ia o ka hoosaioia ana, o ka hui pu ana ae o ka Kuhio hana me ka McClellan ua lilo ia i waiwai ia Hawaii nei, a he kakaikahi l<?a ka poe i makemake e hoololi ae i keia manawa. Ua haawi mai nei o McClellan i kona' ae mamuli oke noi ana aku a ka poe lawelawe oihana e hoi hou aku i Wakinekona me Kuhio, a me he mea la i ka nana aku e Hke me na ano e ikeia nei maanei, oia ilio la no ka hopena e hiki mai ana ma keia kau koho baloka. 1 ka manawa e noonooia ai o na' pomaikai nui i loaa mai i keia Teritore mai ka Ahaolelo Lahui mai ma Wakinekona, na pomaikai i loaa ai ka waiwai mamuli o ka hana pu ana o Kuhio me McClellan; i ka manawa e kaupaonaia ai ka manao o na makaainana maluna o ka ninau no ka paku'i ana aku i keia mau pomaikai; a i ka manawa e nana ia ai ko Kuhio pono no ka hilinai ame ke kakoo ana o kona mau hoa Hawaii, e like me ia i ae okoaia mai e ka hapanui o na Hawaii koho haloka, heaha iho la kahi pono. i koe e loaa ia Ihea oia e aku ai e loaa iaia na baloka? Ke manao nei makou, he laki ke loaa iaia he iwakalua-kumamalima pa-keneka ,0 ka ikaika o na Ha--waii o kona' aoao ponoi iho.