Ka Nupepa Kuokoa, Volume XLIII, Number 37, 11 September 1908 — HOIKE KULA SABATI O OPIHIKAO. [ARTICLE]

HOIKE KULA SABATI O OPIHIKAO.

Ma ka la 30 o Augate, 1908, i malamaia ai ka Hoike Kula Sabati o Opihikao, ma ka luakini o Opihikao. Ma-' laila na mea a pau i naue ae ai no ka hoolohe ana i na hana o ka la, elike j me ka mea i hoikeia e ke Kahukula Sabati Xui, S. P. Piihonua. Ua hooneeia na hana me ka pule a ke Kahukula Sabati Nni, i ka pau ana o ■ ka pule, ua hoomaka ke alakai ia ana ! 0 na hana me ka himeni, i alakai ia e Rev. Moses Nakuina ame kana lede e kikonikoni ana i na ki o ka ogana, he hoene hoi kau. I ka hookuu.ana o na leo himeni, ua hoomaka na hana hoike ma o ke kukulu ia ana o ke Kula Sabati Makua o Opihikao, i alakaiia e ka Hope Kahukula Sabati Apana, J. K. Kahao, me 12 haumana; ua mele mai lakou i na mele nani, he hoene hoi kau i ka iwi hilo, na wai no hoi e ole ka hoene i ke kipehi mau ia e na hunakai; i ka pau ana 'o na hana oia papa ua kukulu ia mai ka Papa Kula Sabati o na Pali Wai Ole b Kamaili, i alakai ia e J. H. K. Kaiwi, me 10 haumana; he nani okoa no hoi ia, ua like maoli no me Pupukanioe ka uwehone i ka pili o ke ao. Kekahi o ka lakou mele nani oia no "Hu mahke Aloha no lona e ke lawe ia la e ka pihi nui ekolu po ekolu ao pae aku i ka aina." I ka pau ana oia kuia, ua hoomaka na hana lulu, he $14.00; pau na hana lulu ua hoomaka mai ko Opihikao-uka Papa Kula,>i alakaiia e Frank Maiola, me 9 haumana, he nani okoa no hoi ia, ke kuhi nei o ka- nani wale ae la no keia i hala ae la, eia no ka hoi ua nani, nawai no la hoi e nele ka nani he uka noho ia e na manu i puia mau ia e ke onaona; i ka hookuu ana oia papa ua ku mai he makuakane me kana wahi kamaiki uuku me ka laua mau himeni, 1 ka pa(i ana o na hoike kula ua hoomaka mai kela ame keia mea e haawi i na manao paipai mahope iho oia mau liana. Ua malama mai o Rev. Moses Nakuina he anaina haiolelo, he nani na mapuna olelo i hoikeia mai, maona ka jihane. I ka pau ana o na hana o ka la ua panai ia mai he papaaina i 'lulim i na mea ai, a ua ai iho na mea apau no ka hoopiha ana i ka lua o ka inaina. He 63 ka nui o na makaikai i hiki ae.- A he 36 ka nui o na hauniana, na komite paipai elua, Rev. Kaman ame Rev. M. Nakuina, ame kana lede ame ka laua kamaiki; Kahukula Sabati Nui S. T. Piihonua. Huina nui o na makaikai he 104. Na dala i lulu ia he $14.00. Nolaila eia ka Ekalesia o Opihikao ke ala nei me ka ikaika me na maoaolana hauoli mailuna mai. Nolaila ke hoala mai nei ke Akua i kona poe haipule e ku a e paio aku no ka pono o kona aupuni. Amene. Owau iho no'me ke aloha, JOE HEZEKIA OPIO, Kakauolelo o ke Kula Sabati o Opihlkao. Opihikao, Puna, Hawaii, Aug. 31, 1908.