Ka Nupepa Kuokoa, Volume XLIII, Number 37, 11 September 1908 — HE NANE. [ARTICLE]

HE NANE.

Mr. Lunahooponopono, Aloha oe:—E oluolu mai kou hanohano e liookoino iho i keia wahi naue ma kahi kaawale 0 ka kaua Hiwaliiwa, i ike mai ai na loea huli mea pohihihi o neia au naauao e naue nei, oia hoi keia: He Kana ka 'u, he kupa, he ewe, a he kamaaina no na lae kahakai, a he hoa paio no lioi no ke kai. i He mea ole ka ikaika hoonee o ka nalu ame ke kupikipiki-o o na ale o ka moana, he oia mau no kuu Kama i ke alo pali, a nona keia wahi hooheno ana: Liilii na maka o ka uwila, E anapu mai Ia i ka pae opua. Penei ka moolelo o ua Kama nei a'u 1 ka wa i hookumu ia ai na paemoku he umi-kumamalua o Hawaii nei, a mahope mai o ia wa ka ike ia ana o ua Kama nei a'u, Ua mahele ia aku la kona mau inoa kapakapa, a penei lee kapa ia ana. o ka inoa mua. I kona wa i ike muj. ia ai, o Ikaika; a ma keia inoa ona nana i ulupa na aumokukaua e kokoke mai ana iaia oiai, he huhu loa oia ia? lakou ke hookokoke mai iaia. , Penei ke kapa ia ana o ka inoa elua: I kona wa' i ike ia ai, ua lawe ia kekahi mokupuni o- Hawaii nei a kapa ia iho la maluna o keia inoa,. a no keia wahi inoa ke mele kaulana: Ke auku nei ka ihu o Kaula i ke kai Ke haulani nei i ka halau a ola. 0 ke alahele wale no e loaa ai kuu ! Kania ia oukou, e holo kaaahi mai | lonolulu nei aku a hiki i Laie, a h,ele wawae ae mailaila ae a hiki i ka. nuku o Nuuanu, a alawa ae oe o ke awawa o Pauoa aia ilaila kekahi hapa o ka inoa o kuu Kama, a mailaila aku kiloi ka waiho mai o Moiliili. aia no ilaila kekahi hapa o ka inoa o kuu Kama; a eia ka ninau: Owai ka inoa mua o kuu Kama i kapa ia o Ikaika? i . A owai hoi ka inoa elua o kuu' Kama i kapa ia o kekahi mokupuni o Hawaii nei? A ina e lioohui ia o Ikaika ka inoa mua, ame mokupuni ka inoa hope, owai ka inoa pololei o kuu Kamav E loaa no ka makana i ka mea e hiki mua ana imua o ka ponopono me ka haina pololei o ka nane, oia hoi e holo wale oia i ke kaaahi mai Honolulu nei aku a ka Ewa Mill, a huli hoi hou mai no. Honolulu nei i ka Lapule e loaa ai o ka nane. A ina e loaa ole ana iloko o eleolu pule, e hoi no na pono ame na pomaikai ma lea lima o ka Lunahooponopono. Owau iho no me ka haahaa, D, B, K. AEKAĪ 0 KA HEMA. Kewalo Lumber Yar4