Ka Nupepa Kuokoa, Volume XLIII, Number 34, 21 August 1908 — KU I KA PU MA KE ANO ULIA A MAKE Hoihoiia Mai ke Kino Wailua o Lane Webster Mai Molokai Mai ma ka Mikahala. [ARTICLE]

KU I KA PU MA KE ANO ULIA A MAKE

Hoihoiia Mai ke Kino Wailua o Lane Webster Mai Molokai Mai ma ka Mikahala.

Maluna mai o ka Mokualii Mikahala i ku mai ai ma ke kakahiaka o ka la Sabati nei mai Molokai mai i hoihoiia mai ai ke kino wailua o kekahi keiki haole opio nona ka inoa o Lane Webster, Sl maloko o ka Lualeini o Kaukeano i malamaia ae ai kona anaina haipule hoolewa ma ia la no. 0 ke kumu o ka make ana p keia keiki opio, mamuli no ia o ka loaa ana 0 kekahi ulia iaia, mai lea poka aku o ka pu ki holoholoha a kona hoa, iaia ame lakou, oia o Atherton Gilman, Arthur Oilman, Lionel Steiner ame Genoves opio, i hele aku ai no ka uhai holoholona ana, ma ka auwina la o ka Poalāma i hala, mai kahr aku o J. F. Baraunu, ma kahi kokoke i Halawa ; Molokai. I' keia mau keiki i haalele aku ai 1 ka hale, a ua hala he hook'ahi mile a oi o ia hele ana a lakou, ua hoea aku la lakou ma kekahi wahi moali alanui i hele a pakikakika ika ua. He paakiki ka pii ana aku a kau pono, iluna o kahi maikai mamuli o ke pakikakika o keia alanui, a o ke ano o ka hele a"na a keia mau keiki ma keia wahi, aia o Lane Webster niamua pono o ka nui o na keiki e ae, a o Atherton Gilman aku mahope pono ona, . j Uoko o ka nanea o ia helē ana a j lakou, ua hooho ae la a Arthērton Gilman fto kona pakika ana, a iaia e kupaka ana i walii nona e palaha ole aku ai, ua haule aku la ilwaa o ka honua, a o ka wa no ia i kani aku ai, oiai ua hele a pSia i ka poka, a o ka lohe kokeia aku la no ia o ka uwe kapalili mai o Webster, a hoomaopopo loa āku la kona mau hoa i kona ku ana i ka poka. Ua holo aku la kela poe keiki ekolu no ka haawi. ana i na kokua i ko lakou hoa, aka ua piha loa lakou i ke pihoihoi, oiai e kahe nui mai ana ke koko mai ka wawae mai kahi o ka poka i ku aku āi. Ua liapai lakou iaia me ka hoomanawanui a hiki i kona kau ana iluna o kahi malkai, a hookau iaia maluna o ka lio me ka hoihoi ana iaia no ka hale hanai holoholona. Hoihoi kekahi mau keiki i ko lakou hoa poino no ka hale a holo o Artherton Gilman e kii i ke kauka ma kahi o eiwa mile ka mamao, a ua hele no hoi

a hiki i ka hora eiwa o ia po, ua hoea inai la ke kauka, eia nae o ka wa ia e mauliawa wale ana no o ka mea i ku i ka'poka, e hlki ole ai ke hoopakeleia ae ka mea i loaa i ka ulia mai ka mak6 mai. Ua nana pono ke kauka i ke ano o kahi i ku ai i ka poka, a i kulike ai me na hoike mai Molokai mai, ina 110 ka'i hoea mai ke*kauka i ka wa pono, ina no aole e .hoopakeleia o Webster, oiai he eha* kulionukonu loa kela e make ai no oia. "X Ua kakali īnWie kela poe keiki a liiki i ka huli hoi ana mai o ka Mikahala, o ko lakou huli hoi mai la no ia ine ke kino wailua o ko lakou hoa 110 Honolulu.nei. He haumana keia no ke Kula o Punahou, a o keia makahiki ae kona manawa e hemo mai ai mai ke kula mai, lcfaa e ilio la nae oia i kela ulia. Ma kona anaina hoolewa i malamaia maloko o Kaukeano, o kona mau hoakula apau ka i akoakoa ae, a o ba poe o kona papa hookahi na- hapai pahu, a ma ka ilina mauka o Nuuanu i hoomoeia aku al oia no ka wa mau loa: