Ka Nupepa Kuokoa, Volume XLIII, Number 34, 21 August 1908 — E IKE ANA NA MA'I LEPERA I NA KII KII ONIONI. [ARTICLE]

E IKE ANA NA MA'I LEPERA I NA KII KII ONIONI.

Mamuli o ka lohe nui o na ma'i lepera e noho mai la ma ke kahua ma'i ma Kalaupapa no na kii onioni o ke kulanakauhale nei i hoalaia inai ai ko lakou manao e ike i n.a mea kupaianaha apau, o ke ao nei, na mea lioi a lakou i ike mua ole ai. A oiai aole loa no he inanawa no lakou e kiei mai ai i ke ao malamalama, nolaila ua lulu maoli ae lakou a loaft ka huina o hookahi haneri da|a no ke kuai ana i mikini ame na mea nd apau e hiki ai ke loaa na mea a lakou i inakemake ai. Ua hoea mai kela lohe i ko ke kulanakauhale poe, a iloko' o 'ka hapa la wale no ma ka Poakolu nei, ua haawi mai la kekahi poe i ka lakou mau kokua ma o na nupepa haole la o keiai i ka liuina o elima haneri me umi-kumamaono dala. ' Nolaila mawaho*ae o na mea lealea a na ma'i lepera, e like me ke kinika bana puhiohe, o keia kii oni' oni aku ana kekahi o na mea nana e hoouauoli a e hoohialaai aku i ko lakou mau inanao.