Ka Nupepa Kuokoa, Volume XLIII, Number 34, 21 ʻAukake 1908 — LOAA HE ULIA MANAONAO IA SAM SHELDON [ARTICLE]

LOAA HE ULIA MANAONAO IA SAM SHELDON

Ma ka Poaliina i hala i loaa ae ai kekahi ulia manaonao ia Sam Sheldon ma ka lua pohaku ma Kaneohe, ma o ke pahu ana o ko kiana pauda a !ele kona kino iluna a liaule hou īho i ka honua. Ua hoike kokeia mai kela loLe i Honolulu nei ma ke kelepona, a iloko o ka hapalua hora yale no, ua hoea aku la o Kauka WaterhouBe maluna o ke kaa otomobile a hoihoi mai la iala no ka Halema'i Moiwahine. Aole he noonoo iloko o ka mea poino iloko o keia manawa, o kona hoihoiia ana mai, oiai ua naha kona poo, a ua weluwelu hoi kona lima hema, me ka loaa pu iaia o kekahi mau eha kukonukonu ma kona kino holookoa. Mamuli o ka hoea ana o Mr. W. T. Rawlins ame Gere ilaila i ka wa i loaa ai kela ulia ia Sheldon i loaa koke aku ai na kokua ana iaia, ma o ka wahiia ana o kona mau palapu mamua o ka hoea ana aku o ke kauka, ka mea nana i hooloihi iki mai i kona manawa e hakoko ai mawaena o kq, make ame ke ola. Ma ka lono i loaa mai ma ka po o ka Poaono nei, he oia mau no ke kulana kupilikii i loaa iaia, e kanaluaia ai kona palekana. — ;— SPRINGFIELD, IllinoiB, Aug. 15.*— Ma ka la i nehinei ua ulu ae he haunaele mawaena o na haole ame na Paele, maloko o keia kulanakauhale mamuli o ka pepehiia ana o kekahi mau wahine haole ena Paele. Ua uhai loloaia na Paele a hiki i ke komo ana iloko o ko lakou kaona. Ua kaheaia ka pualikoa e hoomalu i ka haunaele, a i ka hiki ole ana i na koa ke hoomalu ua ki aku la lakou, a o ka hopena o ia hana ua make aku la he elua kaole.