Ka Nupepa Kuokoa, Volume XLIII, Number 33, 14 ʻAukake 1908 — LOAA PONO HE PAKE HOOPAE CIGA [ARTICLE]

LOAA PONO HE PAKE HOOPAE CIGA

Hapa ka ike ame ka maalea o kekahi Pake nona ka inoa o Lam Chan o ka hoopae malu ana i kana mau ciga mailuna mai o ka moleuahi Manchuria ma ka po o ka Poakahi nei kona kumu o ka pad ana i ka hopuia e kekahi o na Kukeawa. He halihali wai ka hana a keia Pake no ka poe poola, a oiai e halihali ana oia i ka wai mai ka uwapo aku noluna o ka mokuahi, ua loaa iaia he wahi kupono loa e huna ai i na ciga iloko o ka pakeke, i pau ka wai i ka inuia i kona wa e iho mai ai no ka uwapo. j E hakilo loaia ana nae oia e kekahi o na Kukeawa, a i ua Pake la i hoi hou mai ai no ka uwapo, ua haohaoia aku la ka pakeke i ke koikoi e like no me ka manawa ana e lawe ana noluna o ka moku, a i ka nana i'o ia ana aku ka hana, ua loaa aku la, ua hapalua ka bakeke i ke ciga, n o ka paa koke iho la no ia o ke kolohe i ka hopuia. Ua laweia ae oia a hoopaaia maioko o ka halewai ma ka po o ka Poakahi nei. & i ka huliia ana aiku o kona kino, ua loaa aku la he $800 ma na bila kikoo o ka banako ma Hong Kong, he $40.00 ma ke gula a he $8.10 ma ke dala keokeo. Ua haawiia aku oia iloko o ka lima o na luna aupuni Federala ma ke kakahiaka o ka Poalua nei, a oiai he heluna dala mahuahua loa kela i loaa aku maluna o kona kino, nolaila. aole he kaualua ana no ka maalahi loa o ka hiki ana ke ukuia aku kona hoopai. < I Ma ka Poakolu nei i piha ai ka umi maikahiki o ke ku ana o Hawaii malalo o ka inoa Teritore, ua hoomanaoia ae ia la ma ke ano he la kulaia aupuni.