Ka Nupepa Kuokoa, Volume XLIII, Number 33, 14 August 1908 — KE ALAHELE E LOAA MAI AI KA UA O ka Hookani ana i na Mea Hoopahu i ka Lewa, ka Mea i Hoolalaia i Wahi e Ua ai. [ARTICLE]

KE ALAHELE E LOAA MAI AI KA UA

O ka Hookani ana i na Mea Hoopahu i ka Lewa, ka Mea i Hoolalaia i Wahi e Ua ai.

Mamuli o ka nele o keia mau mahina i ka ua, a no ka hopohopoia no hoi o pahola mai ka pilikia i ka wai ma keia kulanakauhale, ua ala ae nei ka manao iloko o Mr. E7 W. Jordan, ka mea nona kekahi halekuai nui ma keia kulanakauhale, ua hiki ke loaa mai ka ua me na mea hoopahu dainamaita. Me kela manao paa iloko ona, ua hele aku oia a hoike aku i ka Luna Nui o na Hana o ka Lehulehu e hoohanaia.na inea hoopahu ma kekaliUwahi kiekie, i mea e loaa mai ai ka ua. Oiai aole he waihona dala maopopo no keia hana, nolaila ua hoike mai ka Luna Nui o na Hana o ka Lehulehu i kona makemake e ike i ka loaa i'o ana 0 ka ua; ke ae mai nae kekahi poe e haawi i dala no keia hana hoao. Ua manaoio loa keia haole, aia no ka .ua iloko o na ao kaalelewa, eia nae aole he haule iho; a ina e hookaniia aku ana he heluna nui o na kiana pauda, o ka haule mai no ia o kekahi kuaua nui e hoopihaia ai ka luawai o Nuuanu, no ka wai e hiki ai ke hoolawa i ke kulanakauhale nei. Ua hoike aku oia i keia manao i ka Ahahui o ka poe Kalepa no kē koi ana aku ia lakou e kokua mai i wahi e holopono ai keia mea ana i manao ai. He nui ka poe i ike a i manaoio, o keia kekahi hana e haule mai ai ka ua. 1 ka wa e hoopa-huia ana ke alanui pali ma Nuuanu, ua ike mauia ka haule ana o na kuaua mahope mai o ka wa e hoo-pa-huia ai, a mamuli o ka hoopilikiaia mai o ka poe hana e ka ua, ua waihoia ka hoopa-hu ana a hiki i ka hora eha o ke ahiahi, eia nae, e haule mai ana no ke kuaua ma ia po iho. Ua hoike ae ka Luna Nui o na Hana o ka Lehulehu Mr. Campbell aole ona kanalua iki no ka haule nui mai o na kuaua ma keia wahi, ina e hoaoia akū ana ka hoopahupahu ana. Ma Arizona ame Texas kahi ana i ike jai i ka hoohana ana o kolaila poe i na mea hoopa-hu, me ka hoolawaia ana mai jo ko lakou pilikia wai, oiai nae, he mau wahi ike nui oleia ia o na ao ua. Iria e loaa mai ana na kokua ana mai ka lehulehu mai i hiki ai ke loaa na mea hoopa-hu, alaila o keia hoao ana, kekahi o ka manawa mua loa a ko Honolulu nei poe e lohe ai i ke kani pohapoha o na mea hoopahu, nie he wa kaua la. Ma ke kamaaina o ka poe i komo nui iloko o na hoouka kaua ana.ua oleloia, e haule mau ana he mau kuaua koikoi mahope iho o ka hooukaia ana o ke kaua e na aoao a elua. ' Mamuli o keia maa, i lawe mai a\ kekahi aliikoa a hoohana aku i na men hoopa-hu ma ka waoakua o Saliara ma Aferika, kahi ike oleia o ka ua, eia nae ma keia hana ana, ua liaule mai la he mau kuaua, a kanuia aku la na laau. I ka lawe ana mai i keia mau mea apau i ikeia, ua lokahi ka hapanui o ka poe koikoi o keia kulanakauhale e hoao aku e hoopau ae i keia pilikia o ke kulanakauhale nei, ina e lawa ana ke dala no ke kuai ana i na mea hoo-pa-hu.