Ka Nupepa Kuokoa, Volume XLIII, Number 33, 14 August 1908 — Nuhou Kuwaho [ARTICLE]

Nuhou Kuwaho

CHICAGO, Aug. 7.—TJa hoomaka ke kikipu hookuku ana a ka Puali Raifela Lahui ma ka Papu Sheridan. LONDON, Aug. B.—He umi luna au* puni kulanakauhale o ka Mile End Parish i hoopa'iia no ka haowale me ka manao kolohe i ke dala o ka waihona o ka lehulehu, ma ka la i nehinei. AUCKLAND, New Zealand, Aug. 10. —I keia la ua hookipaia mai o Adimarala Sperry me ka hanohano nui i Nu Kilani nei a ua makanaia aku iaia he buke Alabama i kinohinohiia me ke gula ame ke (lala, a aia maloko olaila ka ha'iolelo hookipa nona ame Peresidena Rusawela. Ua ha'iolelo ka Adi* marala, ke Kjaaina o Nu Kilani ame ka Meia o Auckland ma kela anaina hookipa nui. | BIRNINGHAM, Alababma, Aug. 10. —Ke ku kiai nei na pualikoa i keia | la i na lua lanahu mamuli o ka h*a- ! naele a ka poe eli lanahu kuhalahala ukuhana ma o ke kiia ana. o kekahi kaaahi piha i na kanaka Uniona ka poe i ho6unaia mai e pani i na hakahaka o kela poe hoohaunaele. Ua ku makaukau na pualikoa no ka lele kaua aka ua manaoia e hooponoponoia ana a hiki i ka pau wale ana me ka hookahe koko ole. WAKINEKONA, Aug. 11.—TJa kauohaia aku kekahi puali o ka poe Eneginia e ka Papu Mason e holo no Honolulu ma ka la 5 o Novemaba, no ke ana ana i na kahua o na papu i manaoia ai e kukulu malaila. CRONBERG, Aug. 11.—Ua hookipa ia mai me ka hanohano nui i keia la ka Moi Eluene o Beritania Nui e ke Kaiser. AUCKLAND, New Zealand, Aug. 12. —He Aha hulahula nui ka i haawiia i ka po nei ma ka Hale Aupuni no ka hanohano o na Aliikoa o ke Aumokukaua. Ua wehe pu ia he Aha mele no na luina. LTSBON, Portugal, Aug. 12.—Ke pii mahuahna mau nei ka ikaika o ka poe hookahuli aupuni. Ke hoouluulu nei lakou i na lako kaua ame na poka pa-hu a lawe aku ma na kuaaina e huna ai. MELBORUNE, Australia, Aug. 13.— Ua hooholo ka Ahaolelo o Australia i kekahi Olelo Hooholo no ka hookipa ana aku i na aliikoa o ke Aumokukaua o ka Akelanika ame kona mau kanaka.