Ka Nupepa Kuokoa, Volume XLIII, Number 33, 14 ʻAukake 1908 — MAI KUAPO LIO I KA WA E AU ANA MA KA MULIWAI. [ARTICLE]

MAI KUAPO LIO I KA WA E AU ANA MA KA MULIWAI.

He olelo naauao keia i hoopuka ia e Peresidena Linekona, a o $a manao nui o keia mau oieio i hoopuka ia e ia, "no ke ano lauwili wale a hoololi wale i kou kuiana, a i ole haalele wale iho i kou kai a hana niaikai paha no kekahi mea i maopopo mua ole ia oe. La hiki no nae e hoolaula ia ka inanao o keia olelo a hoopili ia i na ano lehulehu. Ekahi. Mai kuapo wale i kou ano kalaiaina, a hoolilo īa oe 1 mea piepiele imi pomaikai, e ake waie ana e komo wale aku iloko o kekahi aoao kalaiaina no kou manao ma ia ano hana au e loaa ai ia oe kahi oihana. He mea hoowahawaha ia ke kulana oke kanaka lauwili wale, "a o ka pohaku e kaa mau ia ana e ka wai aole e ulu ia e ka limu/' He hana hoowahawana i ke ano kalaiaina o kakou na Hawaii ka nui o na aea kalaiaina e makaaiau hele nei ma na ipuka hale kalaiaina no ka piepiele imi pomaikai pilikino no lakou iho. Elua. Mai kuapo wale i kau Elele 1 hoomaopopo ia kona ano a me kona hilinai ia ma ke kahua o ka hana no ka Elele okoa ae au i maopopo ole ai kona ano. Aole o ka haanui ia mai oka maikai o kahi lio malihini au i hoomaopopo ole i kona ano maikai, a he kumu ia nou e awiwi ai e kuapo i ka lio au i hoomaopopo pono ai i kona ano maikai: aia a he lio ia i oi ae i kou lio mua, alaila manao ae oe e kuapo, a mai kuapo nae i ka wa o olua e au ana ma ka muliwai. 0 ka pilikia nui o kakou na Hawaii o ka awiwi wale i ka hoolohe i na olelo hoinoino i ko kakou mau hoa kanaka, a huki mai la iaia ilalo me ka maopopo pono ole ia kakou, ua hewa io paha oia aole paha." 1 keia mau la a kakou e au nei i ka muliwai kalaiaina, e akahele kakou mai kuapo wale i ko kakou mau aoao kalaiaina no ke ake imi pomaikai pilikino, he mea ia e kamailio henehene ia ai kakou na Hawaii, no ke ano aea wale, waiho aku no ka aea kalaiaina na ka po« no i maa i ka aea wale. A loaa hoi ia kakou e na Hawaii ke kulana Elele, a loaa pu hoi ka mahalo ia o ka Elele o ko kakou lahui ponoi, he hana pono anei :a kakou e like me ke alakai Kilohana ame kona Lunahooponopono ke kuapo wale aku ia kulana e paa ia ana e ka Hawaii me ka malihini oka lahui okoa ? He hana naaupo maoli na kakou na Hawaii ke kaili miu ia hanohano a hookau aku maluna o ka "maukauka hoe hewa." Ke manaolana nei no makou, aole i hiki mai na la e ko ai ka olelo kahiko a na poe o Roma, "O na poe apau a na Akua i manao ai e hoopau, e hoohehena eia ana lakou." Aole kakou he poe hehena na Hawaii ma ka ulupa ana i kahi hana kiekie hookahi e'kau nei iluna o ka Hawaii. a e hoomanao pu no hoi kakou i ka olelo a'o a kekahi o na hoa o ka Ahaolelo i hele mai ai i o kakou nei i kela makahiki aku nei, eia kana olelo: "He hana naaupo maoli na oukou na kanaka Hawaii oiai oukou e paa ana i ka.mana hapanui koho haloka, ko oukou haalele ana i ko oukou Keikialii a haawi aku ia kulana i ka lahui okoa, a 1 ka la a oukou e hana ai pela, ua make oukou ma ke ano kalaiaina maluna o ko oukou aina ponoi." Nau e kela Hawaii ame keia Hawaii e noonoo i ke ano nui o keia mau olelo, a e kaupaona ae i na alakai a ka nupepa Kilohana e noho alakai ia nei e kekahi keiki Hawaii. Ke noi mai nei oia e kuapo kakou me kana moho. Eae anei oe eke keiki oiwi oka aina ?—Ka Hoku o Hawaii.