Ka Nupepa Kuokoa, Volume XLIII, Number 32, 7 August 1908 — HE NINAU BAIBALA. [ARTICLE]

HE NINAU BAIBALA.

Mr. Lunahooponopono o ke Kuokoa. Aloha oe a nui:—E oluolu mai hoi oe i ke kau wahi kaawale o ka kakou milimili no keia mau wahi opule oili o ka la malie hookahi i ku-o-pa, a he hookahi i kupono i ke mele o Kauai, a he manaolana 110 ko'u e puehn liilii mai ana no i na olohe huli Baibala lehulehu e nonoho mai nei, he liilii ia nei, he kamulemule no nae, penei: Ua hoike ia ma Hebera ma ka inokuna 8 e pili ana i keia mau mamala manao no ka berita kahiko! ame ka berita hou, a no kuu ake nui e ike aku i na haipule io o ke Akua e nonoho mai nei, pehea la ko lakou j manao no keia maa hoakaka a Paulo i ko Hebera poe, a ua hookomo iho au i ninau ma keia wahi penei: Ninau, Heaha ka Berita Kahiko a Paulo e olelo nei ua lu'alu'a, ua kina? a ua elemakuie? A hēaha hoi ka Berita hou a Paulo e kamailio nei i ko Hebora poe f O na wehewehe ana o ka haina ka'u i makemake loa aku ai e haua ia mai me ka noeau ame ka oiaio a eia hou ina ua manao kekahi mea ma ka puka ana mai o ka haina a kekahi a kulike me kana i manao ai a manao ae ia e pane ole mai mai hana oukou pela, āka hoouna mai no i kona inoa me ka i ana mai ua like ka'u haina me ka (Mea) oia hoi ka mea nana ka haina inua pela aku, a pela aku, a ike aku au ua loaa io alaila pane aku au, hoouna mai i ka oukou pane i ka Lunahooponopono o ka kakou miliiuili. He manaolnna no hoi ko 'u, i na no ia nei ka maalo aku ma na ulunaliele o ka aina ua kaulana aole e nele, he pilipili mai koe o na wawae i ke keiki kia manu o ka uka Olaa, ina no kakou o alu like mai ana o ka pio ae uo ia o ka oe ahi. E ala e na keiki o Hawaii, webeia ke kipuka ili'a hamama, eia mai ka pipi o Naleieha; e ko Maua mau keiki, hoonee ia na iliili o ka Papa Konane a ka Hekili aia ka pono a pili pu i ka paia e ko Molokai mau keiki, umia ka hanu ma ka pule, aia ka pono a naha ka poliaku i elua apana, o ka mana ka hoi ia o, ka pule oo a ka Molokai. E ko Kauai mau keiki, o ka'u mau wahi una keia i loaa mai ai ia kakou aku nei i ka Ahahui Paeaina i Hilo, a ke haawi aku nei na oukou e lu mai ina no ina ke alahele malie ke ano o ka lu ana, o ka huli ae no ia o ke alo iluna, a o loaa no ia o ka mea a kamalii e olelo nei. he Nakala. E ko Oaliu poe keiki, pehea kakou? 0 ka pipili wale iho no ka oukou i ka hale pahupaliu, a ka wa o ka hana, a nuku mai o Kamaiopili i ke kikoo o ka ike raa o me ka waiho no o ka ulu mamua o ke alo, ina no paha ua nels 1 k& kiu, lalau no na lima, aia ka pono a ninin ka ulu. 0 keiA ka'u kahua naani i manao ai no kakou, i ike like īa mai o a o o ka Paeaina. G. K. KAONOHIOKALANI. Kalihi Camp, Waiakamilo, Honolulu, T. H.