Ka Nupepa Kuokoa, Volume XLIII, Number 32, 7 August 1908 — E MALAMA HOUIA ANA KA HEIHEI WAA. [ARTICLE]

E MALAMA HOUIA ANA KA HEIHEI WAA.

Ke noonoo hou mai nei na hui heihei waa, no ka malama ana aku i na lealea heihei waa i ka wa e hoea mai ai ke aumokukua 0 ka Pakipika i keia mahina ae. Ua kauoha e ia ae nei no ka hana ana mai i mau kiaha makana no na heihei 0 ia la, a ke manao nei no hoi lakou e hoomahuahua ae i na makana ma na dala maoli ai na kanaka e holo mai mai na kuaaina mai iloko 0 ia manawa, no ke komo pu ana ma na lieihei waa. Ke manaoia aku nei e hoea mai ana kekahi poe 0 Hilo me kekahi mau waa no ka hookomo ana mai ma keia heihei e hoolalaia mai nei. 0 kekahi o na mea ano hou e manaoia nei, oia no ka hoikeike ana i na kukui maluna o na waa i ka po, a pela no hoi me ka poe heenalu, a ina e holokeia mea, alaila o keia ka mua loa o na hana o keia ano i malamaia ma Hawaii nei, a e lilo ana no hoi i mea hialaaiia e na kanaka 0 ko aHmoku kaua ame na kamaaina. Ke piha mau «īai nei o Waikiki i na kamalii opiopio no ka lioomaamaa ana i ka hoe waa ame ka heenalu, no kc> ake e paa i ka hanohano o ko lakou huu ke lioea mai ka la heihei waa e upuia aku nei. MELBOURNE, Anstralia, Augate 5„ —Ua lilo mai nei ia Burns ke eo o kela hakaka kuikui puupuu.