Ka Nupepa Kuokoa, Volume XLIII, Number 32, 7 August 1908 — IKE KUMAKA I KE KAUA. [ARTICLE]

IKE KUMAKA I KE KAUA.

Eia i-ke kulanakauhale nei kekahi Pilipino opio i ike pono i ke kiia ana o na mokukaua o Sepania i ka wa e ku ana ma Manila e Adimarala Dewcy, a wahi ana, ua hoopahaohao loaia aku ka poe Pilipino i ka hiki ana i na mokukaua eono wale no o Amerika ke hoopiholo i umi-kumamaono manuwa 0 na Paniolo. He umi-kumbmakahi waJe no makahiki 0 keia Pilipino i kela wa e hooukaia ana ke kaua mawaena o na aupuni a elua, eia nae ua lilo i mea mahalo nui ia e ia ke kupaianaha o ka ulupaia ana o na moku Kepania. Aole no hoi o keia wale no ka mea nana i hoopahnohao aku iaia, aka o ka hiki ana i na koa Amerika he kanaono wale no e. hoauhee aku i na haneri 0 na Pilipino, ma ke kaua aina, a no keia kumu ua makemake loa oia e pilipili mau aku me Amerika. O keia kekahi o na Pilipino i laweia mai no Hawaii nei no ka hana ana ma ka mahiko, a wahi ana, he mahalo no lakou i ka hoohana ana a ka mahiko, koe wale no nae ka like ole 0 ko lakon .uku me ko na Kepani, oiai he like no ka lakou mau hana e lawelawe ana. Ua hala aku ka hapanui-o kela mau Pilipino o ka laweia ana mai no Amerika; a he kakaikahi wale no ka poe o laikou i koe e noho hana nei no ka mahiko. Ma kekahi hoike ana, ua holo mahuka mai oia mai kona mau I makua-mai, no ke ake no e ike i na hana a Amerika. 1