Ka Nupepa Kuokoa, Volume XLIII, Number 31, 31 July 1908 — HE WAHI NANE. [ARTICLE]

HE WAHI NANE.

Kuu wahi Manu Aloha, Mhnu punahele, Milimili a mailani ia, makee a minamina nui ia. He punahele oia, he ]ei Daimana poina ole, nau, na'u, kakou apau. Ku no ka lehulehu apau e malinlo aku iaia, a lohe ia kona am> ame kona kaulana ma na welelau o ka honua, a ke kaahele nei kuu manu ma ka aina 1 maloo, maluna o na kai, na muliwai, ,ma na taona, na kulanakauhale pookela, a ike i na wailele kamahao, ame na mauna kaulana o ke. ao nei* Ma na lialealii o na Emepera, a ma na towera o na Barona, ame na Kakela nani o na Haku, a hiki aku ma na hokele kamahao o na onamiliona, a maloko hoi o na pnpupu kauhale o na poe haahaa, ke milimili ia nei kuu manu aloha a pulama me ka makee nui ia. E kan ana ma kona poo he hulu nanl loa, a no ia kumu, ua kapu loa ia. "E ke ala o na pua, Mai hoopa oef mai honihoni, Ua kapu ia, . A na 'u hookahi wale iho no.'' j - A tia lilo kela hulu nani luaole i hoailona Moi no kuu manu aloha, a na ia mea i kaupale aku i na poino ame nsT popilikia apau, aole e hoopoino ia kuu manu aloha, a o ka mea nana e hoopaino, e kau mai na ahewa a ko ke ao nei maluna ona. Heaha ka inoa o kun Manu Alohaf Heaha hoi ka hulu eani loa C> kau ana ma kona poof A pehea i lilo ai kela hulu i hoailona Moi no kuu Manu.Alohaf E kuailo mai. EMHOM LIPOLIPO KANOELEHUA. Hualalai, Kona, Hawaii.