Ka Nupepa Kuokoa, Volume XLIII, Number 30, 24 Iulai 1908 — HE OIA MAU KA HIALAAIIA O KE KINIPOPO. [ARTICLE]

HE OIA MAU KA HIALAAIIA O KE KINIPOPO.

O na paani kinipopo elua i malamaia ma ka Poaono anie ka la Sabati | he oia mau no ko ka lehulehu hialaai i ka liele ana e nana i ka paani ana ma keia mau la, me ka nana ole ae i na hana hoohei pipi ma Kapiolani Paka ij ka Poaono ame na heihei waa ma Waikiki i ka la Sabati mai. llaila ae ka Bana Puhiohe o Lihue kahi i hoonanea ai i ka leliulehu, a ua oi ae ka eleu ame ka maemae o ka lakou paani ana imua o nu leo i maa i ka loheia e ko Honolulu nei poe mai ka I3ana Lahui mai, kekahi kumu hoi i hookololohe loa ai ke anaina a hiki i ka pau ana o ka paani ana ma ka ia Sabati. No ka manawa mua loa iloko o keia mau paani ana mawaena o na hui malihini ame,yna kamaaina, akahi no a loaa ke eo i ka hui Keio o ke Kula Kiekie o lapana ma ka Poaono nei, a haule hoi o Kamehameha kona lioa paouioni, he elia a lakou aipuni a he ekolu.hoi a Kamehameha. Na ka hui Kameliamelia ka lanakila o keia paani ana, aka mamuli no o ko lakou 1010, i haule ai lakou i na Kepani, oiai ma ko lakou aoao na manawa maikai apau e alia'i ai i ka lanakila, eia nae o na kina'una'u lehulehu a lakoii i hana ai, he haawi ana aku ia i na Kepani ho manawa maikai loa e lanakila ai maluna o lakou» O kela ano mau no hoi o ka pilia o ke kahua i na Kepani, oia no ke ano ma kela la, a ua noke lakou i ka huio me ke koaniani ana i na hae i ka lewa. O ka lua o na paani ma ia auwina la, mawaena no ia o ka hui Santa Clara ame Punahou, ua kaa ke eo o ia paani i ke Sanata Clara a liaule o Punaliou i ka hope waa. He hookahi wale no aipuui » Punahou a he eono hoi a ke Santa Clara. Ma ka la Sabati mai, o lea oi aku ia o ka la piha i lea poe makaikai, ua hele no na hale a piha i na kanaka a oiai.ua hana liou na kahuwaiwal o Ice kahua kinipopo he poe uuno hou e hiki ai ke hoonono ī na kanaka he ehiku lianeri, oia mau inolio kekahi i heie a piha, a ina paha aole ka heihei waa ma Waikiki ina ua papalua iho ka nui o ka poe makaikai i ka heluna ma keia la. ' He oia mau no ka piha 4 aa Kepani, me na hae ame ko lakou mau leo hooho o ka hauoli no ka hui Keio, eia nae ua poho wale ia mau manaolana, no ka niea ua haawi.ia mai . lakou i na hua kaka apau na komo ana eiwa e ka hui Daimana Hila. Mawaena o St. Loui? ame Santa Clara ka paani mua o ia auwina la, a ua kaa ke eo i ke Santa Clara, he elima a lakou aipuni a he elua wale no a ke St. Louis. Ma ka lua o na paani - i malamaia mawaena o ke Daiinana Hila ame Keio, ua pakahi hua kaka ia aku na Kepani aole i loaa iki ia lakou he wahi aipuni hookahi a hiki i ka pau ana o na komo ana eiwa, a he umi hoi a ke Daimana Hila. Ua noho mumule maoli na Kepani aohe wahi mea a puai leo ae no "ka ike ana i ke kulana pakalaki i loaa i ke Keio. O ka paani o ka la apopo kekahi paani maikai e manaoia aku nei, o ka paani mua mawaena o Punahou ame St. Louis a o ka lua mawaena o ke Santa Clara ame ke Keio, nawai ana la na ai a laua ma keia hookuku ana, na ia manawa e hoike mai.