Ka Nupepa Kuokoa, Volume XLIII, Number 27, 3 July 1908 — Nuhou Kuloko [ARTICLE]

Nuhou Kuloko

He pauahi ma ka uwapo kahiko o Kiiiau ma ka hora 9:30 p. m. o Ka Poalua nei a ua pio no. Hoaoia kekahi hale ma ke alanul Kukui e puhi i ke ahi ma Ewa Iho o ka Holo o Kale Nokaie. Ma ka auwina la o nehinei ma Kahauiki ka bana kahi i houheuhene ai i ka paikau ana a na koa olaila. Nui na ilio 1 kiia i nehinel no ka ukuoleia o ka auhau ilio. Ua kuai ia ac kekahi mau ilio, oia na ilio ano makai i ka hanal. I ka wa e ku mai ai ke aumokukaua a i kiia na pukuniahi nunui o Leahi mai lele ko oukou hauli e ko Kamoiliili ame Waikiki-"kal. 0 ka nui o na dala loaa no ka malama o lune maloko o ke Keena Kakaukope he $3277.75, he huina nul hewahewa i ike muā oleia iloko o ka moolelo. Ua apono aku nel ka Luna Nui Marston Campbell i ka hana ia ana o ka halekula ma Keokea malalo o ka hana ana a Henry De Fries ma ka aelike no $2,800. Ma keia ahiahl e haalele mai ai ka Mauna Kea no ka Ua Kanilehua, no ka lawe ana aku i ka poe makaikai no na lealea o Hilo e malamaia ana ma keia Poaono ka Pokiulai. Apopo ka Pokiulai, ka la I kukalaia ai ke Kuokoa o Amerika Huipuia. Ke ikeia aku nei na hoohiwahiwa like ole ma na hale olhana ame na halekuai me na hae Amerika e kilepalepa ana 1 ka makani. 1 ke Uulanakauhale iho nel o Loio David Kahaulelio o ka Malu Ulu o Lele, a wahi ana, na ka aoao Repubalika ana no ka eha iloko o keia hoouka kaua kalaiaina e hiki mai ana. Pehea ka hoi ka aoao Demokarata? Ma ka la 17 ame 18 o lulai nei e hoikeike houia ana na hana hoohel pipi ma Kapiolani Paka i ka wa o ke aumokukaua e ku ai maanei, a ma ka la 20 ame ka la 21 ae hoi e uMe ai ■na hui polo o Kauai ame ko Honoluiu nei. Ko hoopuka houia aku nel ka n&ne a J. W. K. Kakelamaluikaleo i hoopuka ia aku ai ma ka helu o ka la 5 o lune aku nei, a o ka mea e loaa ana ka haina pololei a piha pono, o ua nane la, e lawe ana o Kakeiamaluikaleo e pa'i kii iaia. Ua hookohuia ae o Thomas Nahiwa | i kumupoo no ke kula o na keiki a na makua ma'i lepera e noho nei maanei. E hoomaka ana ke kula ana ma k& ia 15 o keia mahina, e like me ka hooholo ana a ka Papa Hoonaauao ma ka lakou halawai 1 malama ai ma ka auwina la o ka Poakolu nei, Ma ka la hope aku nei o ka mahina o lune i hoopauia aku ai kekahi makai o ka Apana o Hauula nona ka inoa o L. M. Keaunui, a ua hookohuia aku o Daniel Pa McGregor ma kona wahi, ke kokua kumukula o ke Kula o Hauula, a ma o keia kumu, ua waiho aku nei oia i kona kulana kumukla. KAPALAKIKO, lulai 2—Ua holo aku no Kaleponi Hema, ka mahele elua o ke aumokukaua o ka Pakipika malalo o ka Adimarala Uriel Sebree. ola na mokukaua Tenesi, Kaleponi Dakota Hema ame Wakinekona.