Ka Nupepa Kuokoa, Volume XLIII, Number 27, 3 July 1908 — HOOPIIIA O KAKAUOLELO KALANA KALAUOKALANI. [ARTICLE]

HOOPIIIA O KAKAUOLELO KALANA KALAUOKALANI.

Ma ka Poalima aku nei i hala i hoopii ae ai ka wahine-mare a Kakauoleio Kalana David Kalauokalani opio no ka hookaawale ana ia laua mai ka noho mare ana. Maloko o ke kumu hoopii a kana wahine, Sarah K. Kalauokalani, e hoike ana ia i ka hanaIno, ame ka hoopuka i na olelo kupono ole i kana wahine. hoakaka ana ka wahine, mahope iho o ko laua mareia ana iloko o ka makahiki 1900 a ma ia hope mai, ua hoomaka mai kona pepehi iaia me ka hoopuka ana 1 na olelo kupono ole, eia nae ua uuml wale no oia ia mau hana no ka pono no hoi o ko laua noho ana a hiki wale mai ma ka la 25 o ka mahina aku nei o lune, ua hoomaka hou aku la o Kalauokalani e pepehi hou iaia, me ka paa ana o kekahi iima i kona lauoho, oiai hol e peku ana iaia, me ka hoopuka pu ana i kekahi mau olelo ino. Ua kauoha aku ka Lunakanawai Lindsay ia Kalauokalani e hiki klno mai imua o kana aha ma ke kakahiaka o ka Poalua nei, no ka hoike ana mai ina paha he mau kumu kupono kekahi e hiki ole ai e loaa aku kekahi uku i ka wahine mare iloko o keia wa e ku ana ka hihia imua o ka aha.