Ka Nupepa Kuokoa, Volume XLIII, Number 26, 26 Iune 1908 — HE NANE. [ARTICLE]

HE NANE.

Mr. Lunahooponopono, A'oha oe:—B oluolu oe e nookomo iho i keia wahi nane, ma kahi kaawale o ka kaua Hlwahiwa i ike mai ai na poe huii nane o kaua e r.oho mai la ma ka puka ana a ka la ma Kumukahi a ka welona a ka la ma Lehua oia keia: He wahi ai ka'u, i kanuia. i ka la hookahi, a ulu no ia la, a hua no ia la hookahi no. Penei ke kanu ana o ua ai nei, e kipulu mua oe me ka lepo, a mahope kipulu oe me ka opala, a mahope kaomi aku me ka pohaku, a oia ka mea e ulu ai o ke:a ai. A eia ka mea apiki o ua ai nei, nana no e kuhikuhi aku ia oe i kahi i kanuia ai. He kupaianaha ke aiane;e o ua ai nei, a penei ke alahele e loaa ai o kuu ai ia oukou: E hele pololei oukou imua wale no ke alo, a ina oukou e l(ele kapakahi aole e loaa ia oukou ua ai nei a'u. A nona keia wahi lannl mele penei! Ua wela ka hoku ka malama, Ua wela Makalii Kaelo ia Kaulua. Eia ka heaha ka inoa o kuu wahi ai ma ka olelo Hawaii kumu? He mau wahi ai ia, ua ono ka ai ana me ka i'a he ulaula. Owau no me ka haahaa, D. R. K. AEKAI O KA HEMA. Kewalo Lumfter Yard. Makana elima pule lawe wale i ke Kuokoa.