Ka Nupepa Kuokoa, Volume XLIII, Number 26, 26 June 1908 — HE HOALOHALOHA. [ARTICLE]

HE HOALOHALOHA.

I ke Kama'liiwahine kanemake, Prineess David Kawananakoa ame na Pua'lii Opio i hooneleia i ka Makua, ame ka ohana pu apau, Aloha oukou: O makou o na lala apau o ka Aha- j hui "Hawaiian Longshoremen's Fe-j deral Labor Union," no īakou ka huina i keia manawa o 400 a ol aku, he Ahahui i kukuluia iloko o ke Kulanakauhale o Honolulu, Mokupunl o Oahu, Teritore o Hawaii, no na kupa makaainana o Amerika. O na inoa I kakauīa malalo o keia, oia no ko makou Komite i aponoia © makou i keia la, a na lakou e waiho aku i ko makou "Aloha" imua ou e ke Kama'Hiwahine kanemake, na Pua'lii Opio amp ka ohana; Nolaila e hooholoia; 1. Ke komo pu aku nei makou me oe e ke Kama'iiiwahine kanemake, na Pua'lii Opio ame ka ohana, e auamo pu, a e U pu me ke aloha walohia no ke Kama'lii Kiekie David Kawananakoa i pauaho mai i keia ola ana. 2. Ke nonoi haahaā ae nei, ka makou leo pule walohia imua o ke Akua Manaloa, na Kona oiaio ame Kona aloha mau loa e hoomama ae i na ehaeha walohia a ke aloha mai ia oe ae e ke Kama'Hiwahine kanemake, na Pua'lii Opio ame ka ohana. 3. Ua hauoli loa makou me ka manao walohia aloha oiaio iloko o ko makou mau puuwai pakahi, no ka ae ia ana maij o makou pu kekahi e huki i ke Kaa Kupapau o ke kino wailua o ka makou Lani Alii : aloha nuila. 4. E haawiia i hookahi Palapaia Hoalohaloha o keia i ke Kama'liiwahine kanemake ame na Pua'lii Opio, hookahi i ka Nupepa Kuokoa Home Rula, Ke Aloha Aina ame ka Nupepa Kuokoa. O makou no me ka haahaa ma o ko makou Komite, Benjamin Dole, Richard Karratte, Wm. K. Kaieihuia, D. W. Mahuahua, Gaberiela Lono, Walter Kaiwl, S. K. Kauhane, Kane, Kahiona Luia, Kalani Levi, S. Kahele, S. K. Mike, H. N. Niauhoe, D. Mookini, Beni Kale!, Morton Hiku, Sam'l. Kailiwai, Dan. Levi. Alanui Alakea ame Moiwahine, Honolulu, lune 22, 1908.