Ka Nupepa Kuokoa, Volume XLIII, Number 24, 12 Iune 1908 — HE HOALOHALOHA. [ARTICLE]

HE HOALOHALOHA.

Ka Nupepa Kuokoa, Aloha oe:—Lo-j komaikai nui mai la ke Akua a kahea mai ia 1 kekahi o makou ma ko laua home noho Aianui McKiniey ma Kalaupapa, Kalana o Kalawao ma ka | auwina la Poaha, Mei 28, 1908 hora 1:00 p. m. a pane aku la o Mrs. Celia Kanikau ia leo kahea me ka hoohakalia ole a o ke koena iho o ka honua he lepo ka na hoaloha i manele aku no ka pahu hopu o ko ka. honua nei mau materia ola. A oiai ma o ke kaawale ana aku !a o keia hoa paahana o makou iloko o Kristo ua hoemi ia iho la kekahi mahele o ka ikaika hoonee o ko makou Ekalesia oiai ke mau nei no iloko o ko makou mau noonoo kana mau hana maikai no ka pono "o ka ke Akua hana. He opiopio oia aka he makuahine iloko o ka Ekalesia; he haumana holomua iioko o ke Kula Sabati kekahi o na Luna Nui o ka Ahahui Hooikaika Kristiano nolaila; E hooholoia, O makou o na hoahanau na haumana Kuia Sabati ame na lala o ka Ahahui Hoolkaika Krlstiano o ka Ekalesia Hoole Pope o Kalaupapa Kalana o Kalawao ma o ko makou Komite la ke komo pu nei makou me oe e ke kane i haaleleia e kau mea aloha; me oe e ka makuahine, ke kaikunane, na pokii, na makamaka ame na hoaloha o ka mea 1 hala e aku e kanikau a e kumakena pu me oukou oiai oukou iloko o keia hoao ano nui. E hooholoia, I hookahi o makou leo pule e nonoi mau ai na ka Haku e hoomama ae i neia haawe koikoi e kau nei. A na ke Akua e kiai mai oiai kakou e noho kaawale nei. Me ke kane wahinemake ko makou mau waimaka me, ka ohana Jco makou paumako me kou ahonui e ke Kilohana Pookela ko makou adieu. O makou no, J. K. KELIIKULI, S. K. KAUNAMANO, L. M. EAINAMU, Komite. Kalaupapa, Molokai, lune 5, 1908.