Ka Nupepa Kuokoa, Volume XLIII, Number 24, 12 June 1908 — UA KUPONO ANEI KA HOPUIA ANA O KA LOIO AMERIKA? [ARTICLE]

UA KUPONO ANEI KA HOPUIA ANA O KA LOIO AMERIKA?

I kulike ai me ka manao o Mr. Richards, ka mea nana i hoohiki ae i kla palapala hopu no ka hopu ana aku i ka Loio Amenka Breckans, no kona hele ana e makaikai i na hana ku'iku'i puupuu ma ka po o'ka Poaono, Mei 30, o ia hoi i wahi ka e hoao ai i ke kanawai i hanaia e ka ahaolelo, pela makou i hoala mai ai i keia ninau, "Ua kupono anei ka hopuia ana. o ka Loio Amerika Breckons?" I ka manao ana e hoao 1 ke kanawai, he pono no maluna wale no o na. mea i komo maloko o ke ku'iku'i puupuu e hopu aku ai, a! ma ia ano e hiki ai ke.hoalaia mai na ninau kanawai, ina paha ua ku-e keia ano hana i ke kanawai ame ka ole, a ma ia ano no hoi e kohu ai a- e kohu ole/ai ka hopu ana.aku i ka poe apau e hele ana e makaikai i ka malamaia ana oia ano hana. Ua hooku'i muaia aku no ka Loio Amerika no keia kanawai e Mr. Richards, a ua ninau aku oia (Breckons) i kona poo ma Wakinekona no ia mea, a o ko laua manao maoli, aole' i pili ke kanawai, a i ole ia makemake paha e hooko aku i ke kanawai no keia hana ku'iku'i puupuu ma Hawaii nei, oiai he mea mau no ia e hanaia mai la ma kekahi mau Teritore a Mokuaina ma Amenka, koe wale no nae ma » . ke ano e hoopilikia aku ana keia ano hana i ka lehulehu, a i ole e hoalaia mai ana na hana ino a ku i ka pelapela. I ka nana aku ma keia keehina a Mr. Richards i lawe ae ai i wahi no ke kanawai e hoaoia ai, i kulike ai me kona manaoio, aia hou aku no kekahi mau mea i makemakeia no ke kinai ana maloko o keia Teritore. •E lilo ana keia hoalaia ana ae nei o ka hoopii ku-e i ka Loio Amenka Breckons; i mea na na makaainana e ke'uke'u ai no ka mea nana keia hoopii, a e kahihi puia aku ana hoi maluna o ka Ahahui o na Makaainana (Civic Federation) iloko o keia hakoko kalaiaina e hiki mai ana.