Ka Nupepa Kuokoa, Volume XLIII, Number 23, 5 June 1908 — UA LILO NA HANA ALOHA I MEA HOOPAKELE I KA MEA HEWA. [ARTICLE]

UA LILO NA HANA ALOHA I MEA HOOPAKELE I KA MEA HEWA.

Ma ka leka a EdwarcV K. Manase a makou i unuhi ai a hoopuka aku ma ka helu o ke Kuokoa i hala i hoakaka maopopo mai ai oia, 1 ka lilo ana o na hana kokua a kona mau hoaloha ame na makamaka ma Hawaii nei, i mea e hoomama mai ai iaia iloko o kona mau la o ke kaumaha ame ka ehaeha oiai e hoomamalu ana na ao o ka make maluna o kona poo, no ke karaima ana i hana ai. O kona pili ole i ka hewa pepehikanaka e like me kana i kakau mai ai ina kana leka, aole ia he kumu nona e pakele ae ai mai ke kau ana aku o ka hoopa'i make maluna ona, oiai na olelo ike ikaika loa ma ka aoao o ke aupuni e ku-e ana iaia ma ia hihia. He oiaio, e like me kana i kakau mai ai, ua haalele mai oia i ke alo o kona mau makua, a hele aku no na aina e me he keiki uhauha la, e pale ana hoi i na oleloa'o, e hoopoina ana hoi i ka hana ana i na mea i ku i ka pono ame ka pololei imūa o ke alo o ma ka lani. Iloko o na la e hele lanakila ana oia, i ka loa ame ka laula o ka aina, aole i hoihoiia mai kona mau noonoo a hoomaopopo i ka waiwai <0 ka malama ana i na a'o ana a na makua, na anoano maikai i kanuia iloko ona, a hiki wale i kona ike ana i ka hoao ana o kona mau hoaloha maanei nei e hoopakele ae iaia mai ka amana likanaka mai, ma o ka hilu ana i kekahi huina dala no ka hoolimalima ana aku i loio nana e imi aku i kona mau pono iloko o na lima o ke kanawai. Oia mau hana aloha, ua komo loa aku ia iloko o kona puuwai, a e'like me kana i kakau mai ai, akahi no oia a hoomaopopo pono i ke ko'iko'i oka hana ana i hana aku ai, maluna 0 kona hoakanaka.- Aole no hoi oia wale no, aka ua hookaakaaia ka maka o kona naau, a hoahewa' maoli aku i kana mau hana hewa imua o ka Makua ma ka lani. Aole oia i malea'u no ka make, no ka mea wahi ana ua kalaia kona mau hala e kona Hoola. Oiai nae mamua aku o ka hoololiia ana o kona hoopa'i mai ka make mai a i ka hoopaahaoia a pau kona ola maloko o ka halepaahao, i kakauia ai ia leka, nolaila ua loheia kona leo uwe a ku i ka ehaeha, a pela pu ka kona mau hoaloha, pela wale no i hoauheeia aku ai ke ao o ka make mai iaia aku. He hookahi no mea nana i alako i ke kanaka e komo aku iloko o na poino ame na hoopilikia ana, oia no ka haakle ana i na olelo a'o a na makua, na a'o ana a kana mau kumu ame kona mau hoaloha. Ua lilo nae na hana ku i ke aloha a na makamaka i mea hoopakele ae iaia mai kona ano .hewa mai, ua lilo hoi i mea hoopakele pu ae iaia mai ka amana likanaka mai, a maluna ae 0 keia mau mea a elua, īia hoopakele puia kona uhane mai ka make mai.