Ka Nupepa Kuokoa, Volume XLIII, Number 23, 5 June 1908 — PAA KA HALE HOOKOLOKOLO O WAILUKU. [ARTICLE]

PAA KA HALE HOOKOLOKOLO O WAILUKU.

Ma ka nupepa Maul Ne\vs, e hoike ana ia i ka paa ana o ka hale hookolokolo o Wailuku i ka hanaia a ua kona mau liemahema e like me ika makemake i hoolalaia ai : a ua ma« haloia hoi kona ano e ko Maui poe. Ua oleloia ae, o keia ka ka oi o 'na hale' hookolokolo i kukuluia maloko nei o keia Teritore. Ma ka la 18 o ka mai hina o Okatoba aku nei i hala l hoo% | makaia ai ke kukuluia ana o kela hale e ka mea lawe aelike A. P. McDonald. Me ka puaha na hana i la\velaweiaj ai ma keia hale, eia nae mamuli o ka makaala loa ana o ka mea lawe aelike, ua holopono na mea apau i makemakeia. He elua hale ke kiekie o keia hale hookolokolo hou, a ua hoolakoia hoi: kona mau keena me na lako apau. I Aia ma ka papahele oluna o keia hale, ke keena o ka aha hookolokolo Kaapuni, ka rumi o ka Lunakanawai, ke keena o ke Kiure Nui ame ke Kiure hookolokolo, ke keena waiho buke ame ko na kakauolelo o ka aha. | Aia hoi ma ka papahele ekahl, ke keena hookolokolo o ka aha apana a malaiia no 'ke keena o ka lunakanawai. He mau keena e ae no kekahl ma' keia papahele e like me ko ka Luna Auhau ame kona hope, ke keena o ka oihana wai. Ua hoomakaukauia rto l hoi keia hale hou me na uwea, a 1 hakalia wale no i ka loaa o ka uwila ma, Maui, ua loaa mua kahi e holo mai ai o ka uwila no ka hoomalamaiama ana i kona mau keena lehulehu. Ua hOlo aku ka mea kahakli Kerr no ka nana ana i ka hale ina paha ua kulike me na mea i makemakeia, a ua hoapono oia i na mea apau, ua kulike loa me ke kii, aole hoi he hoohalahala ma~kona aoao, a pela ko Wailuku poe i komo pu mai ai ma ia manao hookahi.' | Ua haaheo ko Maui poe no keia hale hou, a o keia ka hua o ko lakou hoomanawanui ana no kekahi mau makahiki loihi. I