Ka Nupepa Kuokoa, Volume XLIII, Number 23, 5 Iune 1908 — HOOKU'I ME KE KAA UWILA. [ARTICLE]
HOOKU'I ME KE KAA UWILA.
Ina paha he moe ino ka Mr. R. W. Shingle, ka peresidena o ka Hui o Henry Waterhouse, o ka po, ina ua poino i ke ao ana ae, no ka mea, ma ke ahiahi Poakahi nei ua hooku'i ia kona kaa otomobile me ke kaa uwila me ka ikaika loa a nahaha omua a pakele mai kona ola me na wahi manuhe'u liilli. He ulia poino keia i maopopo pono ole i ka Luna Hoohana Nui Ballentyne, no ka mea, o kana o ka olelo ana ae aohe oia i maopopo i kekahi mea e pill ana I kela poino. I ka wa e hoopuka mai ana o Mr. Shingle mai ka puka pa mai a e peki ana i kona kaa, oia no ka wa o ke kaa uwila i holo mai ai me ka lkaika a hooku'i me ka ikaika a nahaha o mua o ka otomobile o Mr. Shingle. Mawaho pono iho o ka Paka o Kapiolani kela hooku'i ana, oiai oia e hoohuli ana e holo aku no ke alanul e" hiki aku ai i ka Aquarium (wahi hoikeike o na l'a). Ua kiolaia o Shlngle mailuna aku o ke kaa a o kahi lakl loa aohe nui o ka poino i loaa, he hiki no iaia ke holoholo ma o a maanei.