Ka Nupepa Kuokoa, Volume XLIII, Number 21, 22 May 1908 — HE POHAKU KUPAIANAHA LANA ILUNA O KA WAI. [ARTICLE]

HE POHAKU KUPAIANAHA LANA ILUNA O KA WAI.

I ka Nupepa Kuokoa, Aloha oe:—E oluolu oe e hookomo iho i keia wahi hunahuna meahou ma kahi kaawale o kou mau kolamu, oia iho keia: Ma ka la 28 o ka mahina aku nei o Malaki, ua hele aku ia au me Mrs. Ane Arthur ma kekahi huakai makaikai ma ke kahawai o Hiiiawe. I ko maua hoea ana aku nolaila, ua hoomau loa aku la no ko maua hele ana a hoea i kekahi punawai nui, a o ka inoa o keia punawai o Waikealoha, eia no kela punawai ke waiho nei ma ke kahawai o Hiilawe. Ia maua e ku ana a nana i ka wai oloko o ka punawai mai kapa aku o keia punawai, ua hnohikileleia mai ko maua noonoo i ka ike ana aku i ke"kahl mea kupaianaha e lana fnai ana iluna o ka wai. I ko maua hele ana aku a kokoke, ua ike pono loa aku la maua he pohaku e lana ana iluna o ka iliwal me ke piliolo ole ilalo. O ke ano o keia pohaku, ua like no me na pohaku e ae, koe wale no nae ua hoopuniia keia me na pukapuka liilii, a o ka nui o ua pohaku ia, ua l|ke aku me ka napaia Kaleponi, li ua hiki aku hoi kona kaumaha ma kahi o ka ekolu paona. He pohaku maoli no kela i hanala e ke Akua. MRS. A. K. TARPLEY. Kukuihaele, Hawaii, Mei 12, 1908.