Ka Nupepa Kuokoa, Volume XLIII, Number 21, 22 May 1908 — I HALEKULA A'O PILIOLELO. [ARTICLE]

I HALEKULA A'O PILIOLELO.

O kekahi o na kumuhana ano nui a ka Peresidena o ka Papa Hoonaauao I waiho ae ai imua o ka halawai a ka papa i noho ai ma ka auwina la o ka Poakahi o ka pule i hala, oia no ka hookoe ana i na hale o ke kula klekie e ku nei ma ke alanui Ema i wahi e ku aku ai o ke kula a'o piliolelo. Aole īoa he kula o keia ano i ikel* maioko o keia Teritore, aka ala nae maioko o kekahi mau kula ekolu e a'oia nei keia ike ma Honolulu nei, a ma kona manao o ka hookaawale maoli ana ae i kula o keia ano, e hoomakaukauia auanei ke keiki no ka hiki ana iaia ke komo aku maloko o na kula kiekie, ke kula o na hana mahiai ame na hana akamal. Ua hoakaka piha mai ola I na mea ana i ike ai ma Amerika a ma ka hookaokoa ana i kela kula, pela iho la e hooikaika aku ai na haumana i ka huli ana i ka naauao. E waiho malie ana keia kumuhana imua o ka papa mamua o ka hiki ana ke loaa ke aponoia a hooleia paha e keia manao o ka Peresidena o ka Papa Hoonaauao. Mawaho ae o keia kumuhana, ua hooholo ka papa i ka wa kula no keia makahiki e nee aku nei, oia hoi ka wa kula o ka haulelau, mai ka la 9 o Sepatemaba a ka la 19 o Dekemaba, ke kau hooilo hol. mai ka la 4 o lanuarl a hlki i ka la 2 o Aperila; a o ke kupulau mai ka la 12 o Aperila a hiki i ka la 19 o lune. , Ua hooholo puia ae no hoi ma ia halawai ana e kauohaia aku na kumukula e kau ana maluna o ka moku Lawekoa e huli hoi mai no lakou maluna o ka moku e haalele aku ana ia Kapalakiko ma ka la 5 o Sepatemaba. Ua laweia mai ka palapala haalele a W. W. Goodale ma ke ano akena kula no Walalua a aponoia,' a ua hookohuia aku o Kauka H. Wood ma kona wahi.