Ka Nupepa Kuokoa, Volume XLIII, Number 20, 15 May 1908 — HAALELE MAI NA MANUWA IA HONOLULU NEI. [ARTICLE]

HAALELE MAI NA MANUWA IA HONOLULU NEI.

Ma ka Poaono i hala i haaiele mai ai na Manuwa Brazil ame Chili no Yokohama. Ma ka hora ewalu o ke kakahiaka i haalele mai al ka Manuwa Brazil a ma ka hora eha hoi o ke ahlahi ka Manuwa ehili. Oiai he ewalu hora ke kowa mawaena o ka manawa i haalele ai keia mau Manuwa i ka uwapo, ua hoike ae na kanaka o ka Manuwa ehili. « hoopahaohaoia aku ana ka poe o ka Manuwa Brazil, no ka mea wahi a lakou nei, e ku e aku ana ko lakou moku no Yokohama. Mamua o ka haalele ana mai o keia mau moku, ua noke mua na bana puhiohe o laua i ka paani ma ka uwapo, a he heluna nui o ka poe makalkai i hele ae e haawi i ko lakou mau aloha hope i na keiki o ke kai. He na hoaloha i loaa I keia poe keiki aukai ia lakoū ma Honolulu nei, a ua makemake loa kekahi o lakou e kipa hou mai no keia awa. Ma ka hoomaopopo ana, ua hiki aku ka nui o na dala a na kanaka o keia mau Manuwa i hoolilo ai maloko o kela kulanakauhale ma kahi o ka $100,000.