Ka Nupepa Kuokoa, Volume XLIII, Number 20, 15 May 1908 — KO COFER MANAO HOOMAEMAE I KE KULANAKAUHALE. [ARTICLE]

KO COFER MANAO HOOMAEMAE I KE KULANAKAUHALE.

E like me ka manao o ka Peresldena hou o ka Papa Ola no ka hoopakele ana ae i keia kulanakauhale mai ka pilikia mai i ka wa o na lele e hiki mai ai, pela oia i hoolala al e hoomaemae aku i ke kaona o ria Pake. E imr ponoia aku ana na wahi pelapela e ku mai nei i keia manawa, a e kauohaia aku ana hoi ka poe no iakou ia mau wahi maikai ole e hoomae mae koke. komo pu aku ana na luna nana o ka Papa Ola ma ka hana like ana me ka oihana lawe opala i hiki ai ke holopono Aa hana hoomaemae i manaoia, o keia ka aelike i hooholoia ae mawaena o Lunakiai Sa'm Dwight, ke komite o ka oihana alanui ame lawe opala ame Luna alanui Sam Johnson ame ka lunanana o ka Papa Ola.

Ō ka manao nui o ka Peresidena o ka Papa Ola, oia no ka hoopakele ana ae i kela kulanakauhale i ka wa e hoea mai ai na ma'i lele, a oiai he mau mahina lehulehu keia 1 ike oleia ai o na ma'i o keia ano, nolaila e malamaia aku s|ia keia kulana no keia wa e nee aku nei. Mawaho ae o keia kulana .imi i ka maemae o ke kulanakauhale, e hoomau puia aku ana ka luku ana i na iole, oiai mamuli o ka ike a na kauka o keia mau iole keleahi mau holoholona na lakou e halihali mai 1 na ma'i.