Ka Nupepa Kuokoa, Volume XLIII, Number 20, 15 Mei 1908 — KE HOOMAHUIA MAI NEI MA NA HANA HOOKUONOONO. [ARTICLE]

KE HOOMAHUIA MAI NEI MA NA HANA HOOKUONOONO.

He hana naauao a kupono loa ka na kupa a kamaaina o Koolaupoko i hana mai nei a he hoomahele ana hoi i alahele e hoomahui like aku ai na Hawaii e ae ma ia alahele hookahi. Aia kekahi mau Aina Aupuni ma Kailua ame Kaneohe, a no ka makemake o ko Kooiau mau kini e lilo ia lakou kela mau apana aina ua hookomo mai nei lakou he mau palapala noi e weheia keia mau apana no ka noho hookuonoonoia maialo o ka pono kuai ana i ka hoolimalima o kela mau aina. He eha mau palapala nol i hookomoia mai ma ke awakea o ka Poaono e ana a e hookaawaleia kela ame keia apana no ke kuai ana i ka pono hoollmalima. Maloko o ka palapala mua he ehiku poe not, he poe aina ole, a e noi ana lakou e mahelela na eka he 19.43 ma Waikaluawaho a he 1?.60 eka ma Kaneohe ame 19.43 eka ma Keaahala-eile no Puupao ame 15.60 eka ma Kaneohe. Ka iua, He ewalu poe noi no ka wehe ana i na Aina ma Kanohouluiai nona ka iii he 49.82 eka. Ke kolu, He ewalu poe noi no ka wehe i na aina o Kawailoa-uka, ma Kailua. aohe i hoakakaia i nei wa ka nui o ka iliaina o ia mau apana. Ka ha, A o ka hope loa o na Apana i noi ia, he umi-kumamakahi poe noi maloko o keia palapala noi. a o ko lakou makemake e weheia kela aina aupuni i ikeia Kawailoa-lele ma Kaiiua, aohe i hoakakaia ka iiiaina i kela wa. Ua hoomaopopo pu ia e komo hou mai ana no kekahi noi o kfeia ano ma keia mua koke iho, a he Apana Aina Aupuni oi aku nae ia o ka nui, a he maopopo e nui pu ana me ka poe makemake. O kahi o ka nani loa he poe Hawaii oiaio maoli keia poe noi apnu e noi mai nei i mau* apana aina hookuonoono no lakou a ma kahi ana paha o ka elima a eono eka aina ka averika o kela ame keia. ■ —•<*- »■ ■