Ka Nupepa Kuokoa, Volume XLIII, Number 19, 8 May 1908 — HE HALAWAI NA KA HUI O NA POOLA [ARTICLE]

HE HALAWAI NA KA HUI O NA POOLA

Ma ka hapalua o ka hora ehiku o ka po o ka la apopo, Poaono, Mei 9, e malama ae ana ka Hui Kokua a Manawalea o na Poola o keia kulanakauhale he halawai akea ma ka Aala Paka a ma ia halawai i makemake ia ai na iala apau o ka hui, a pela pu hoi me ka lehulehu e hiki ae a e ike i ka lakou mau hana 1 manao ai e hoike aku i ke akea. O ka manao nui o keia haiawai akea i kaheaia ai, mamuli no ia o na hauwawa ma na pipa alanui, ma na kuono, a hiki loa aku ilpko o ka waihona noonoo o kela ame keia makaainana, no ke kauka'i ana aku o kekahi pohai kalaiaina i ko lakou ikaika hoio baloka maluna o keia ahahui. E like me ko ka ahahui makee ana i ko lakou mau rula alakai, a mau rula hooponopono, oia hoi ka papaia ana o na hana kalaiain ame na hana pili hoomana, pela lakou i makemake ai e ku aku imua o ka lehulehu ma kela po a hooia aku, aole lakou he poe iloko o na hana kalaiaina, i hoauheeia aku ai na noonoo e paa nei iloko o kela ame keia mea, e like me na wawa e laulaha nei i keia mau la. Oiai nae he heluna nui o na lala o keia ahahui he poe koho haloka waie no lakou no keia kalana, a he pula kaumaha hoi no na hana kalaiaina o keia mau ia e nee aku nej, a oiai no hoi o keia ka makamua loa o ko lakou makemake ana e malama i kekahi halawai akea, me he mea la i ka nana aku, e "ohuohu ana Halemano i ka lau lehua." E hoea ae ana na lunanui o ka ahahui ma ia halawal, a pela me na lala, a ilalla e lohe ponoia aku ai kekahl mau ha'iolelo mai kekahi poe mai o lakou i kohoia. Ua hiki ole ke haanui wale aku i rta mea e hoikeikeia mai ana ma ia po, aka o ka naue ae no ilaila i pau kuhihewa, he ole hoi ka īohe pepeiao.