Ka Nupepa Kuokoa, Volume XLIII, Number 18, 1 May 1908 — HOOKOHUIA O POGUE I LUNAKIAI NO MAUI [ARTICLE]

HOOKOHUIA O POGUE I LUNAKIAI NO MAUI

Ma ka Poakahl nei 'i hookohu aku ai o Mott-Smith, ka mea e noho nei ma ke ano Kiaaina no ke Teritore ia W. F. Pogue i iala no ka Papa o na Lunakiai o ke Kaiana o Maui ma kahi o T. M. Church i "\vaiho mai i kona kulana laia no ka Papa. Ma ka Poalua i hoounaia aku ai ke komisina no keia lala hou o ka Papa, a ana oia e noho ma kona kulana hou ma ka la kanakolu o Aperila, e like me kona komisina. Ua hoohakahakaia ka rloho o kekahi 0 na Lunakiai o ka Papa o Maui, mamuli o ka lawe ana ae o Mr. Church 1 kekahi kulana hou i onouia aku laia, oia hoi e hoi mai a noho hana me ka hui o Alexander & Baldw|n ma Honolulu nel, a ma ia ano iho' la, e kaawale mai ana oia mai Maui mai e hiki ole ai ke hooko i ka makemake o na haku elua. Ua waiho mai na aoao kalaiaina o Maui he mau inoa no ka hoopiha ana aku i keia hakahaka. O ka inoa a na I>emokarata i makemake ai, oia no o Edward Wilcox, a o ka na Repubalika hol oia no ka mea i hookohula aku la. O ka mea i' hookohuia aku la, ua puka mai oia mailoko mai o kekahi o na ohana misionari kahiko i hoea mai ai no Hawaii nei, a ma M?lui i hoohala ai oia i ka hapanui o kona mau la o ke ola ana. Oia nei kekahi i noho iloko o ka Hale kaukanawai i ka wa o ke Aupunl Repuhalika o Hawaii nei, a he mahiai kekahi hana ana no kekahi mau makahiki ma Maui.

Ua hala aku ma ke kakahiaka o nehinei maluna o ka U. S. S. Iroguois ka Hope Kiaaina Mott-Smith no ka mokupuni o Molokai, a ua manaoia e hiki ana ilaila ma ka hora 1 p. m., a e huli hoi hou mai ana no ke kulan*-» kauhaie nel mahope iho o ka hoohala ana he lwakalua-kumanīaha hora ma ka moku o Hina.