Ka Nupepa Kuokoa, Volume XLIII, Number 18, 1 May 1908 — HAINA NANE. [ARTICLE]

HAINA NANE.

Mr. Lunahooponopono, Anoai kaua:— E oluolu hou mai oe i kau wahi rumi kaawale o ka kaua Hiwahiwa no ka'u wahi haina o ka nane pukonakona a D. M. Manukapalulu i hoopukaia ma kou h«lu o ka la 24 o Aperila e olelo ana penei: He makua a ke hea ia nei ia ma ka inoa kapakapa kekahi a ma ka kahiko no hoi kekahi mai a Waawaaikinaaupo, a ke noho nei oia e malama a e hoomalu ma ke ano he makua hookama no kekahi ohana keikl like ole, a e npho ana hoi keia ohanu. keiki ma ko lakou ano he mau keiki hookama na kela makua a e ninau ana hoi penei: 1. Owai ka inoa kapakapa o keia makua? Haina, Teritore o Hawaii. 2. Owai ka inoa mua mai a Waawaaikinaaupo? Haina, Hawaii nui Akea, he lehulehu loa no na inoa kahiko o keia| Paeaina e o ia nei ma kekahi inoa; Na mokupuni o Hawaii. 3. Owai na inoa like ole pakahi o kela ano keia ano keikl? , I Haina, Kuu moku kele i ke kai mal ka waa ke ala» e hiki ai o Hawaii. 1 keia wa, ke hea ia nei Kalana o Ba> waii. Kuu moku kele i ke kai ma ka waa ke ala e hiki ai o Maui. I keia wa Kalana o Maui, me ka huipu ana mal ia Kahoolawe, Lanai ame Molokai, a he kamau wale mai no ka Molokini Kuu moku kele i ke kai ma ka waa ke ala e hiki ai o Oal\u. I keia wa Kalana o Oahu. Kuu moku kele i ke kai ma ka waa ke ala e hiki ai o Kauai, i keia wa Kalana o Kauai, e komo pu mai anu me Niihau a manuahi wale mai no hol o Lehua, Kaula ame Nihoa. Kou no a mau, J. W. K. KAKELAMALUIKALEO. Keena Oihana, Halepaahao o Uwahipouli. Ua nani o Maui la Haleakala i ke ku hookahi kuahiwi, aka hoi, aole i like kau papa konane me ka ia nei, nolaila hoonee houia ka iliili, a hahao houia ka pu i ka lu i ku ka puapua o ka manu Kapalulu a ai manu no ua kanaka. —L. H. .» LADANA, Enelani, Aperila 28.—Inehinei i hikl mai ai o Jack Johnson ka Paele kuikui puupuu a waiho aku la he aa hakaka me Tome Burns ko ke ao nei moho ma ia hana. Ua ae mai ka inoa hope e like me ke kono. SUVA, Aperila 29.—E kipa aku ana na aumokūkaua Amerika no na kai o Fiji.