Ka Nupepa Kuokoa, Volume XLIII, Number 18, 1 May 1908 — GEO. DAVIS NO KA AHA SENATE Hoike i Kona Manao Holo Moho Repubalika Kuokoa no ka Hale Kaukanawai. [ARTICLE]

GEO. DAVIS NO KA AHA SENATE

Hoike i Kona Manao Holo Moho Repubalika Kuokoa no ka Hale Kaukanawai.

Ua hoike ae nei o Loio George A. Davis i kona makemake e holo moho Senatoa, ma ke ano Repubalika Kuokoa no ka Apana Koho Senatoa Ekolu, a e ku aku ana oia imua o ka lehulehu o ka poe koho baloka ma ke ano, ua ku kaawale mai oia mai na aoao kalaiaina kuloko mai. Penei kana o ka olelo ana ae: "E holo aku ana au no ka Aha Senate ina no aole e loaa ana ia'u na baloka i oi aku i ke kanalima, aka ua maopopo no nae ia'u e loaa ana ia'u ka huina e hiki ai au ke kohoia. He nui na kulana a'u i paa ai ma keia aina. He Lunakanawai Hoomalu au he Komisina no ka Aha Apana Amerika, he Hope Loio Kuhina, a he ma[ ] kulana hanohano e ae, a aole loa o'u ike i ke kumu e kupono ole ai au e lilo i Senatoa no ke Teritore. "E holo aku ana no au, a e waiho aku ana i ka'u kahuahana imua o na kanaka, a maluna o ia kahuahana, e hiki ai au ke kohoia. He mau hemahema no paha kekahi a'u i hana al e like me kekahi poe e ae, aka nae aole loa a'u mau mea e pane aku ai no kekahi mau kumu ku-e, a oiai aole au ia nei i ka wa hookahuli aupuni, aole loa o'u hewa e pane aku ai. Aole anei he kanaka maikai no au e like me Kalama a me Coelho a me kekahi poe e ae i manai i ko lakou kupono ana no ka Aha Senate? Ke manao nei au, ua kupono no au, a i ka wa auanei e heluia aku ai o na baloka, e ikaia aku auanei ka nui o ka poe i manao pela. ina au e haule ana alaila aole no au e hoopilikiaia mai ana e like no me a'u i keia manawa, a o ka'u hana pono no o ka noho aku mawaho nei." O ke ano nui o kona manao a me kana kahuahana, oia no ka hooko ana i kana mau hoohiki apau e haawi aku ai i mua o ka lehulehu ina oia e koho ia ana i Senetoa. Ina ka e kohoia ana oia, e hooikaika ana oia e hoopauia ke kanawa e kau ana i 10 pakeneka o na auhau wai hookaa oleia.

E hoopau aku ana oia i ke kanawai waiona e haawi ana i ka mana i na Komisina e hoopuka ai i mau laikini i ka poe e noi mai ana ia lakou, e hoihoi ana hoi ia mana iloko o ka Meia o ke Kalana a Kulanakauhale o Honolulu nei, ame ka Papa o na Lunakiai o kekahi mau Kalana lehulehu. E hooikaika aku ana oia e hooholoi» he kanawai e haawl ana i ka mana i na Papa Lunaklai e kau aku a e ohi mai i na" auhau no na hana o ke kuianakauhale, a e hooikaika pu' aku ana hoi e hanaia he mau hoololi iloko o ke kanawal Kalana, 1 mea e loaa ai i ka lehulehu ke ano maoll o ke aupuni kulanakauhale e like me kona inoa. Mai keia manawa aku a hiki i ka hoea ana mai o ka la koho, e hoikeike mau aku ana o Davls i kana mau mea i makemake ai e haha no ka lehulehu e like me kana e manaoio nei, a o kona makemake, ola no ka ana o ka pono kauiike mai ka mea ilihune a hiki i ke kanaka waiwai.