Ka Nupepa Kuokoa, Volume XLIII, Number 17, 24 April 1908 — HAINA NANE. [ARTICLE]

HAINA NANE.

Mr. Lunahooponopono: Aloha oe. E oluolu mai i kau wahi kaawale o ke "Kilohana" no kela wahi lei ilima i wehi no Kahanuopaineki, elike me ka nane pukonakona a ua kaeaea nei i puka maj ai ma ke "Kuokoa" o ka la 17 nei: He makuahine hookama ko'u aia la I ka ua popkikapa, he pu konakona oia 1 ka ino ke hiki mai, a he hoa hakaka me ka ua Kukalahale, e hoomainawanui ana 1 kona mau la o ke ola ana, ma kekahi kino ona, a ina e hoololi ia ma kekahi kino ona, alaiUi make oia, make pu me na mea apau. He kupa, a he kamaaina ia i ke one o Kakuhihewa, he u'i a he kiiakila ka oiwi kino, o kuu makuahine, a aia.ma kona kua na huaolelo i uwepa ia a paa penei: Nuanu i ka waipuna a ke aloha, a eia ka ninau, owai ka inoa o kuu makuahine, a pehea oia i kupaianaha ai? I ka puunaue ame ka hoolawe ana 1 ka makuahine o ua makamaka maikai nei, ua hoike mai la ka mea ana kau* paona, i ka mahele mua o ua makuahine nei o maua, aole ka mea e o "Nuuanu" Pali no, kahi a na malihini e luakaha mau nei i ka nani o keia mau la, aka, e alo pu ana no nae oia i na ino a ka makani ame ka ua kaulana o ia awawa. Akā, i ka hoololi ana ae hoi i ka mea ike a ka haole (ohenana) aia hoi, e haulani mai ana no ua makuahine nei o maua i na ale ahiu o ka moana •"Nuuanu" Moku a pololei no ua hoa nei, ina i'o no e piholo ana o "Nuuanu" Moku, pau pu no»na mea apau i ka make pu meia. Ina ua loaa i'o aku la ua makuahine nei o maua, alaila ke noi aku nei ia Kahanuopoineki e malamaia iho ka makua, he hulu loaa ole. Me ka mahalo a nui, NAITA SIVBRIA. Kalihi, Honolulu, Aperila 2», 1908. Ua pololei kau haina e like me ia e waiho nei ma keia keena, a no kou hiki mua, ua eo ka makana ia oe, a ua nele oe e D. H. K. Kahikina no kou hiki hope. Kiiia mai!-L. H.