Ka Nupepa Kuokoa, Volume XLIII, Number 17, 24 April 1908 — NA MANAO MAHALO NO KA ADIMARALA VERY. [ARTICLE]

NA MANAO MAHALO NO KA ADIMARALA VERY.

!' Ke hookokoke mau mai nei ka la e haalele mai ai ka Adimarala Very i na kaiaulu o Hawaii nei a e pau ana kona noho Adimarala kiai ana no Hawaii nei, a no kona hanohano e haawi ana ka Bana Hawaii i kekahi aha hoolaulea maloko o ke Kahua Amerika ma ka auwina la o ka la apopo, Poaono, Aperila 25, mai ka hora 1:30 p. m. a hiki i ka hora 3. O ka hope e noho mal ana ma kona hakahaka oia o kapena Rees, a ke upuia aku nei e ku mai ana oia mai Kapalakiko mai ma keia Poakahl iho maluna mai o ka mokuahi Monjrolia. Ma ka la 23 nei i pau ai ka manawa o kona hookohu a ua manao oia e haalele koke iho a e hoi aku no Newton Center, Mass., kona wahi e noho paa mau aku al ma keia mua aku. O ka aha hoolaulea e haawiia ana e Kapena Berger ame ka bana Hawaii, he hoailona ia e hoike ku ana i ka Adimarala' i ko Hawaii nel mahalo I kona makaukau ame kana mau hana i īawelawe iho nei no Hawaii i na la i hala. Ua'hanaula ola ma Llvapulu, En£lani, 1 ka la 23 o Aperila, 1846. Ma na kula kuokoa no ola i a'o muaia ai ma Salema, Campbridge/a ma Havre, Faranl, a ma na kula aupuni ma Melrose, Malden ame Chelsea, Masakuseta, ame Kapalakiko. He haum&na oia no ke Kula Koa ma ke Kula NUi A'o Kaua Moana ma Annapolis mai ka 1863-6. Mawaho ae o kona lilo ana i kanaka lawelawe maluna o na mokukaua lehulehu ma na kahua hoolulu o na mokukaua like ole, ua hooliloia oia 1 mea ana i na kapakai i ka 1880-1. Ua kaa malalo o kana hōoponopono ana ka puali kilo hoku i holo ai i Patagonla 1 ka 1882-3 e nana ai 1 ka maalo ana o ka Hoku Vinesa i ka la. Ua noho ho6maluia eia ma ke ano Kapena no na mokuahi Saturn ame Casius l ka 1898, i ka wa I kaua ai o Amerika me Sepania, a pela pu no hoi me ka moku lawe pil Castlne i ka 1899-1900 ma Pilipine a ma na kai o Kina. * A oiai oia e noho kapena ana no ka moku lawepu Castine, ua lilo pio mai la 0 Zamboango, Mlndanao, a ua nui kona mahalola e llke me ia i hoike ia e ka Hope Adimarala J. C. Watson. Ua noho kapena oia no ka mokuahi Kapalakiko maloko o ke Kaiwaenahonua ame na kahua hoolulu o na mokukaua ma Asia 1 ka 1903-4. He hookahi makahiki ame hapa kona noho hoomalu ana iho nei i ke kahua hoolulu ma Honolulu nei a o kana mau hana i lawelawe iho nei i ikemakaia e ka lehulehu mai o a o o Honolulu he k!ahooijianao poina ole ia 1 paanaau loa Iloko o ka naau o ka poe i Ikemaka i kana mau hana. He hoaloha oia no na lahui kanāka a pau ma Honolulu nei a ma na wahi a pau me ka nui o kona mahalola.