Ka Nupepa Kuokoa, Volume XLIII, Number 14, 3 ʻApelila 1908 — LAWE I KA WAIWAI I HAAWIIA E MALAMA. [ARTICLE]

LAWE I KA WAIWAI I HAAWIIA E MALAMA.

He hana hemahema a ku no hoi i ka hawawa ke ano o ka lawelaweia ana o ktkahi huina dala mahuahua i hiki aku i ka hookahi kaukani, i waihoia aku malalo o ka malam# ana a Mrs. Kakalia e Jameß Hore ma ke ano kahu malama waiwai nona. O kahi i ku ai ka hemahema e like me na mea i laulaha a nana hoi i hookomo aku ia Mrs. Kakalia iloko o ka haUipaahao ma ke ahiahi o ka Poaha i hala, oia no kekahi mau hoike maopopo ole ma kona aoao e hoike ae ai i ke akea i ka ukuia ana o kekahi o ia mau dala i ka ona nona ia, a i ole i kahi paha o ke dala e waiho nei. Mai kekahi poe mai i ike i keia mau dala ame keia mau Hawaii, «a olelo ae lakou i lie kii mau ana o Mr. Hore i kekahi mau dala i kela ame keia manawa e like me kana i manao ai, a ua loaa mau aku no iaia ia mau dala koe nae ka hanaia ana he mau likiki hookaa no ia mau dala i ukuia aku iaia. E like no paha me ka maa o na Hawaii, ka waiho ana aku i ka lakou mau dala iloko o ka lima o kekahi mea a lakou i hilinai ai, a pela no hoi ka manao ana aku o ka mea iaia e malama ana i ke dala, aole e ala mai ana he mau pilikia ma ia hope mai no ia mau dala ana o ka paa ana a i uku aku ai paha, pela iho la no i hoohana ia ai ka ukuia ana aku o keia mau dala, aka 1 ka wa nae i ulu mai ai ka manao iloko o kekahi o laua e hana mai i kekahi hana, ua hiki-loa ke hookomo aku i kekalii iloko o ka pilikia, no ka mea ua hemahema ka malama ia ana o ka waiwai. Ua hala ke au i hiki ai ke hilinai aku ka makua i ke keiki, ka hoaloha hoi i ka hoaloha e like ae la me keia mau Hawaii i hoohalike ai me ke au kahiko, a hiki mai la nae i ka wa o ka pilikia, ao&e wahi e hapapa ae ai e loaa kekahi hoike maopopo loa e kau ole mai ai ke koikoi o na haawe o ke kaumaha maluna o ka mea inalama waiwai. Ma ke kumu hoopili i pili i keia hihia, ua hooliloia aku kela mau dala apau he hookahi kaukani e Mrs. Kakalia no kona pomaikai ilio, a ua hoole hoi i ka hoihoi hou ana i ka mea nana ke dala. Aole lie walii olelo i keia manawa ma ka aoao o ka mea nana ke dala, ua loaa aku kekahi lihi o keia mau dala ana iaia, a no ka mea ua ku kana olelo pela, aole loa ana likiki hookaa i hana mai ai ma kona aoao no na dala ana o ke kii ana mai ia Mrs. Kakalia. Ina pela io ka lielehelena o keia hihia, aole a makou wahi e ike oei, i ka hiki ke kaawale na ahewa ana maluna o ka mea i hoopiiia, koe wale no mamuli o ke akamai o kona mau loio, me kekahi mau hoike e pili ana i ke ano o kana hoohana ana i kela mau dala. Mamuli nae o keia hihia, he pono no i na Hawaii apau ke makaala loa i ke ano o ka lakou lawelawe ana nla na mea pili i ke dala, ina no he mau uku dala, he mea pono no e loaa ka likiki hookaa noT ia mea, a ina e waiho dala aku iloko o ka lima o kekahi, he mea, pono no e loaa he pepa hooia no ia mau dala, e like me ka ka poe naauao e hana nei, me ka nana ole i ka pili ame ke ano hoalo>ha. O keia wale iho lā no ke alahele e lioala oleia mai ai lie mau pilikia, a he mau hookaumaha ana ma na mea a kakou e hana nei (i kela aine keia manawa, a he puuhonua hoi i ka wa e hooku'iia mai ai me na hoopilikia ana.