Ka Nupepa Kuokoa, Volume XLIII, Number 13, 27 March 1908 — HE UI HE NINAU NO KE AWA O KOU. [ARTICLE]

HE UI HE NINAU NO KE AWA O KOU.

O ka lohe wale no ia e laulaha nei no ka hoea mai o ke aumokukaua Amqrika no Hawaii nei, aole nae he lono maopopo loa mai ke Kakauolelo mai o ka Oihana Kaua o Amerika e pili ana no ka hoea mai o na moku kaua i Honoluiu nei mahope iho o ke ku ana ae no Kapalakiko, aka ma ka auwina la nae o ka Poaono nei, akahi no a loaa mai he ninau ia Adimarala Very he mau ninau mai ka oihana kaua mai no na mea e pili ana i ke awa o Kou i hiki ai ke kipa mai ua mau mokukaua ia no Hawaii nei. O ua mau ninau la, oia iho keia: Ehia ka nui o na mokukaua e hiki ke hooiliia i ka lanahu i ka wa hookahi ma Honolulu? He hohonu anei ke kai rna na uwapo no ka pili ana aku o na moku nunui? Heaha ka uku, no ka hoopiha ana i ka lanahu? Mahope koke iho o ka loaa ana mai o keia mau ninau i ka Adimarala, ua hele koke aku la oia e hui pu me ke kapena o ke awa, ka poe hoopiha lanahu no na pane e pili ana no' keia , mau ninau, a oia mau pane kana o Ke

kelekalapa ana aku 1 ke keena kaua. "Wahi a Adimarala Very i kamailio ae ai, o keia Iho la ka manawa mua loa i hoounaia mai ai kekahi mau nN nau pili ia Honolulu nei no keia hoea mai o na moku kaua Amerika, a ma kona hoomaopopo aku, aia a hoea aku kana pane i ke Kakauolelo o ka Oihana Kaua, alaila hoomaopopo pono loa ia ka nui o na moku e hoounaia mai ai no Honolulu nei. O na pane a ka Adimarala 1 hoouna aka nel, aole oia i makemake e hoikeia ae I ke akea, oiai ua ku-e ia i na rula o ka oihana k&ua. Ua ulu mai nae kekahi mau koho-. koho ana, aole no e pau loa mai ana na moku kaua i ka holo mai no keia awa, mamuli o ka hoomaemae ole ia ana o kekahi o lakou iloko o ka makahiki hookahi, a ma ia ano iho la e hoounaia aku ana kekahi mau moku no ka hoomaemaeia ana, a o ke koena ke hoomau mai 1 ka huakai no Hono- , lulu nei.