Ka Nupepa Kuokoa, Volume XLIII, Number 12, 20 March 1908 — NA LAKO MEAAI NO NA MOKUKAUA. [ARTICLE]

NA LAKO MEAAI NO NA MOKUKAUA.

SAN DIEGO, Mar. 13.—Eia ma keia awa ka moku halihali lako meaai o ke aumokukaua o Adimarala Evans, kahi i hooili lako mea ai ai no na mokukaua, oia ke Culgoa. Ua hoouna mua mai nei ka Adimarala Evans i ke kauoha ma ke kelekalapa uweaole i ka mokuahi Culgoa, e hoopiha muaia oia me na lako mea ai mai San Diego aku nei a e hoomakaukau mua* mamua o ka hiki ana aku o ke aumokukaua no ke kaikuono o Magdalena. Ua hoopuka ae nei ke Keena o na Lako ai i na aeiike ma ka Poaha nei no ka hoolako ana i na aumokukau* me na lako meaai like ole e like me ia malalo iho nei: Ekolu haneri me kanalima paona palaoa maka, 750,000 paona uala, 800.000 paona i'o bipi hau, 5,000 paona i'o bipi keiki, 10,000 paona o na meaai like ole e iNee me ka naaukake a pela wale aku; 25,000 paona naaukake puaa, 2,000 paona papapa kini; 5,000 paona waiu paa ame 10,000 paona waiubata. E lawe aku ana ka Mokuahi Culgoa i keia mau lako meaai i ke kaikuono o Magdalena ma ka la 1 o Malaki, kahi a ke aumokukaua e noho liullu iki iho ana no eono pule no ka hoomaamaa kikipu ana mamua o ka holo loa ana aku no ka akau no Kapalakiko.