Ka Nupepa Kuokoa, Volume XLIII, Number 12, 20 Malaki 1908 — HE HOOMAIKAI I NA LIMAHANA KOKUA. [ARTICLE]
HE HOOMAIKAI I NA LIMAHANA KOKUA.
I ka Lunahooponopōno o ka Nupepa Kuokoa: E oluolu oe e hookomo iho i ka'u wahl puolo maloko o kau nupepa, e hoike ae hoi i ka'u mau hoomalkai kiekie ana i ka poe na lakou i haawi mai i na kokua ana i ka wa i hanau ai o ka'u wahine oiai au e au ana I ka moana. Ma ka la 15 iho nel o keia mahina 1 hanau mat ai ka'u wahine he mau bebe wahine mahoe, Hopoe Petfr J. Lewis, ma ke alanui Kuakini, a ke ola nei na bebe me na ola kino maikai. Ke haaw.l nei au 1 ka'u mau hoomaikai ana ia Nika ame kana wahine Aukai; ia Maui ame kana wahine Kaapunl, no ka haawl ana i ka lakou mau kokua i ka'u wahine oiai au e huli hoi mal ana maluna o ka Mokuahi Malulani ma ka wanaao Sabatl nei, ma ka hora elua. Me oe ko'u aloha ame na keiki oniu hua kepau o kou papa pa'i. PETER J. LEWIS. Alanui Kuakini, Malaki 15, 1908.