Ka Nupepa Kuokoa, Volume XLIII, Number 10, 6 Malaki 1908 — POWAIA HE PAKE E KE POKO RIKO. [ARTICLE]

POWAIA HE PAKE E KE POKO RIKO.

Mauka ae nei o Palama i loaa aku ai kekahi Pake nona ka inoa o Lee See ia Makai Nawahi e waiho ana iloko o ke kulana kupilikii maloko o ka auwai me ke kahe ana o ke koko mai kekahi eha mai i loaa iaia ma kona lae, ma ka wanaao o ka Poaono nei. Ua hoike kokeia mai la ka lohe i ke kaa makai, a i ka hoea ana aku* o ke kaa, ua lawe loaia aku la oia no ka Halema'i Moiwahine. Ma ka hoike a keia Pake i ke ano o kona halawai ana me ka pilikla, penei ni ia, e hele ana no keia Pake ma ke alanui, ua halawai aku la oia me kekahi mea ana i manao loa ai he Poko Riko, a koi koke aku la no l&la e haawi, mal i dala. |Ua noke iho la nae laua 1 ke aumeume a hiki i ke kula'iia ana aku o ka Pake iloko o ka auwai, a mamull o ka holina ana o ka Pake i ka makai a i kekahi poe e ae paha e lohe mai ana i ka ia nei kahea, ua hoomaka aku la ke Poko Rlko e holo. 11 ' Ma ke kakahiaka la Sabati ae i hoikeike ae ai ua Pake nei i ke anb o ke Poko Riko nana oia i powaj a ma kona hoikeikeia ana aku i na Poko Riko e akoakoa ana maloko o ka hale hoolimalima mauka ae nei o Leleo, ua ike aku la oia i ka mēa h&na oia i hoeha, ola o Francisco Castro, a o ka paa koke no ia i ka hopuia e na makai. He Poko Riko maa no keia i ka hakihaki kanawai a u| kamaaina kana mau hana kolohe imua o ka Oihana Makai.