Ka Nupepa Kuokoa, Volume XLIII, Number 10, 6 March 1908 — HE MAKE MAUWALE. [ARTICLE]

HE MAKE MAUWALE.

Ma ke kakahiaka o ka la Sabati nei, ua heie aku la kekahi mau Kepani hana o ka mahiko o Walnaku i ka lawai'a ma ka aoao ma Hilo o ka Hale Wiliko o Wainaku, a l ke kokoke ana i kahi a laua i manao ai e lawai'a, ua noho iho la o Takasahi ke kokoolua e wehe i kona kamaa, a o ka lua nona ka inoa Naoa Watanabi, ua hele loa aku la no a ma kahi a laua i manao ai e iho iialo o ka lae kahakai. Me ka ike ole aku o kpna, kokoolua i ke ano o ka loaa ana o -ka poino i kona kokoolua, ua lohe aku la oia 1 ka leo uwe, a i kona holo ana aku. aia kona kokoolua e waiho ana ilaio o ka lae kahakai, a i ka hoea ana aku o na kokua i kahi e waiho ana ke kino o 'Watanabi, ua loaa aku la ua make loa, ua noha ke poo, a ua moku pu kokahi pepeiao. Ua kaheaia o Kanena Fetter ka Hope Makai Nui, a i kona ninaninau pono ana, ua maopopo loa ke kumu o ka make ana. noiaila, aole i kahea ia ke koronelo no keia make mauwale. Ma ka hoomaopopo ia. me he la ua keehi hewa oia iluna o kekahi pohaku paa ole e kokoke loa ana 1 kumupaii, a oia ke kumu o kona hauie ana i ka pali. Ke kipa nei no ka make ma na wahl apau. Aole home e nele ke komo o ka make, no ka mea, wahi a ke Akua Nana i hana i ke kanaka: "Mai ka lepo mai no oe. a e hoi hou aku no oe ilaila."—Ka Hoku'o Hawaii.