Ka Nupepa Kuokoa, Volume XLIII, Number 10, 6 March 1908 — EKOLU MILIONA DALA NO NA PAPU O HAWAII. [ARTICLE]

EKOLU MILIONA DALA NO NA PAPU O HAWAII.

WAKINEKONA, Feb. 18—Ma ke ano he mahele no ka papa hoonohohono hana hui no ka hoolako ana i ke kaikuono o Manila me na papu, ua loaa mai ka ike i keia la ua noi ae nei ke Keena o ka Oihana Kaua i ka Ahaoielo Nui e hookaawaleia ma ka bila haawina i 13,000.000 no ke kapili ana i mokupuni hana maoli ia, i wahi e kau ai o na pu nunui no ke pale ana aku i ke kahua hoolulu o na mokukaua ma ke awa o Cavlte. Ua loaa mai keia makemakeia i haawina dala mai ka pualikoa hui a mai ka papa mai o ka oihana kaua moana. O ka hopena o ka hana a keia Papa oia no ka haaleleia ana o O'longapo, no ke kumu aole e emi iho ana malalo o 100.000 koa e pale aku ai i ka enemi ma kela aoao o ka aina.

O Manila ponoi iho no kahi i waeia 1 kahua no na papu, a o Cavite, ke kahua mua a ka poe Paniolo, ua manaoia oia no ke ki e pale aku al 1& Manila.

A i mea e kupono loa ai ke kupale ana ia Cavlte he mea pono loa e pakui houia aku i mau papu nunui hou, ka ipuka maalahi loa hoi a ke aumokukaua o Adimarala Dewy i komo mai ai, a ua hoakakaia ae he hiki no ke komo aku ma ke Corregidor a o ka hooweliweliia ana aku o ke kulanakauhale aohe pilikia nui e loaa ana. A no keia kumu oia ka mea i makemakeia ai e kukulu i mokupuni iloko o ke kowa mamua pono o Cavite i wahl e hiki ai ke hoolele pono ia aku na poka i ka enemi i ka wa e hooili kaua ai me ka enemi. . ♦ .